Terekti aýdany turǵyndary arasynda koronavırýs juqpasynyń taralýyna jol bermeý jáne adamdardyń ómiri men densaýlyǵyn qorǵaý maqsatynda búgin shekteý sharalary engizildi. Aýdan aýmaǵynda qalyptasqan epıdemııalyq jaǵdaıdy eskere otyryp, Terekti aýdany Bas memlekettik sanıtarlyq dárigeri Podstepnoe aýylynda ornalasqan barlyq mektepke deıingi balalar uıymdarynyń qyzmeti toqtatty. Jáne Saryómir aýyly janynda ornalasqan Shalqar kóline demalýshylardyń kelýine 30 maýsymǵa deıin shekteý qoıyldy.
Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti taratqan málimetke qaraǵanda Terekti aýdanynda kúni búgin 25 turǵyn COVID-19 dıagnozymen tirkelgen.
"Qazir Saryómir aýyldyq okrýgi aýmaǵynda mobıldi blokbeketter ornalastyrylǵan. Arnaıy mamandar toby kól jaǵasyndaǵy demalýshylarǵa usynylatyn kıiz úıler men shatyrlardy tekserip, olardyń sanıtarlyq-epıdemııalyq talaptarǵa sáıkestigin baqylaıtyn bolady. Maýsymnyń 30-na deıin óńirdegi epıdemııalyq ahýal qalypqa kelse, ári qaraı demalýshylar úshin kól jaǵasy ashylady. Ol jóninde qosymsha habarlanady", deıdi Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmetiniń jetekshisi Ádemi Ǵıbratqyzy.
Batys Qazaqstan oblysy
