Osylaısha, Nur-Sultan qalasynda demalys kúnderi barlyq SOO, saýda úıleriniń, jelilik dúkenderdiń, jabyq azyq-túlik jáne azyq-túlik emes bazarlardyń, dúkenderdiń jumysy toqtatyldy.
Jaqyn mańdaǵy azyq-túlik dúkenine, jumysqa barýdy, medısınalyq qyzmet alýǵa barýdy qospaǵanda, azamattardyń úıden shyǵýyna shekteý qoıylǵan. Polısııa qyzmetkerleri qyzmetin kúsheıtilgen tártipte atqarýda, kóshelerdi aralaý úzdiksiz júrýde.
Nur-Sultan qalasy boıynsha Bas sanıtarlyq dárigerdiń talaptarynyń saqtalýyna monıtorıng júrgizýge, sonymen qatar qalalyq iKOMEK monıtorıng jáne jedel áreket etý ortalyǵy da qatysady. iKOMEK-ke ıntegrasııalanǵan qalalyq beınebaqylaý kameralarynyń kómegimen karantın talaptaryn buzýshy tulǵalardy anyqtaý maqsatynda aýla aýmaqtaryna, saıabaqtarǵa, skverler men basqa da qoǵamdyq oryndarǵa monıtorıng jasalýda. Munan soń derekter elorda turǵyndary men qonaqtaryna túsindirý jumystaryn júrgizý úshin jedel túrde Polısııa departamentine joldanyp otyrady.
Engizilip otyrǵan shekteý sharalary epıdemıologııalyq ahýaldy jaqsartyp, koronavırýstyq ınfeksııanyń taralýyn báseńdetýge baǵyttalǵanyn aıtyp ótken jón. Barlyq elorda turǵyndary men qonaqtaryn áleýmettik jaýapkershilik tanytyp, asa qajettiligi bolmasa úıden shyqpaýǵa jáne sanıtarlyq normalardy saqtaýǵa shaqyramyz.
