Memleket basshysy Úkimetke jáne oblys basshylaryna pandemııanyń taralýyn tez arada shekteýge qatysty shuǵyl ári tıimdi sharalar qabyldaýǵa, koronavırýsqa shaldyqqan adamdarǵa naqty kómek kórsetýge, azamattardan test synamasyn alýdyń aýqymyn keńeıtýge, dárigerlerdi arnaıy qorǵanys quraldarymen, dári-dármektermen, ókpege jasandy jolmen dem beretin apparattarmen jáne ózge de qajetti qural-jabdyqtarmen qamtasyz etýdi tapsyrdy.
Prezıdenttiń pikirinshe, azamattardyń densaýlyǵyn qorǵaý isinde alǵy shepte júrgen medısına qyzmetkerlerine materıaldyq jáne moraldik turǵydan qoldaý kórsetýdiń máni zor. Úkimet pen ákimder halyq arasynda karantın rejımin saqtaýdyń asa mańyzdy ekenin túsindirip, bul baǵyttaǵy jumystardy belsendi júrgizýge tıis.
Sonymen qatar, Qasym-Jomart Toqaev ortalyq jáne jergilikti atqarýshy bılik organdaryna ekonomıkanyń quldyraýyna jol bermeý, ónerkásiptik jáne aýyl sharýashylyǵy óndirisin arttyrý, azamattardyń áleýmettik qajettilikterin tolyq qamtamasyz etý boıynsha naqty sharalar qabyldaýdy tapsyrdy.
