Aımaqtar • 23 Maýsym, 2020

Qostanaı traktor zaýyty jylyna 700 traktorǵa deıin shyǵarady

46 ret kórsetildi

Aýyl sharýashylyǵy tehnıkasy parkiniń qazirgi jaǵdaıy erekshe nazar aýdarýdy talap etedi. Búginde elimizde 153 myń traktor men 42 myń birlik kombaın tirkelgen. Aýyl sharýashylyǵyndaǵy jaǵdaıdy eskere otyryp, qazirgi basty másele ishki óndiris esebinen aýyl sharýashylyǵy tehnıkasynyń qatty tozǵan parkin jedel jańartý bolyp tabylady, dep habarlady IIDM baspasóz qyzmeti, - dep jazady Egemen.kz

О́ıtkeni traktorlardyń 65% men kombaındardyń 46% 17 jyldan astam paıdalanylýda.

Ol úshin elimizde aýyl sharýashylyǵy tehnıkasy men jabdyqtarynyń zamanaýı óndirisin qurý boıynsha belsendi jumys júrgizilýde. Aýyl sharýashylyǵy tehnıkasynyń eskirgen parkin jańartý salanyń eńbek ónimdiligin jáne ónimniń sapasyn arttyrýǵa múmkindik beredi.

Osy baǵytta jasalyp jatqan jumys retinde 2019 jyldyń 23 qazanynda "Qostanaı traktor zaýyty" bazasynda "Kıroves" traktorlary óndirisiniń ashylýyn atap ótý kerek. Kásiporynnyń jobalyq qýaty jylyna 700 traktordy quraıdy.

Joba Qazaqstan men Reseıdiń ónerkásiptik kooperasııa baǵdarlamasy aıasynda júzege asyryldy. Tehnıka óndirisi Qostanaı qalasynyń ındýstrıaldyq aımaǵynda "Peterbýrg traktor zaýyty" AQ-men yntymaqtastyqta bastaldy.

Kásiporynnyń el úshin joǵary ekonomıkalyq jáne áleýmettik mańyzy bar. Qazaqstanda tehnologııalyq quzyrettilik transferti, tereń oqshaýlanýy jáne joǵary qosylǵan quny bar barlyq zamanaýı halyqaralyq normalar men standarttarǵa jaýap beretin biregeı óndiris quryldy. 

"Kıroves" traktorlary qazaqstandyq sharýalar arasynda myqty ári tózimdi tehnıka retinde joǵary suranysqa ıe. Bul rette Qostanaı traktor zaýytynyń ónimin "QDB-Lızıng"AQ, "QazAgroQarjy"AQ jáne "TehnoLızıng" JShS aýyl sharýashylyǵy taýar óndirýshilerin qoldaýdyń qoldanystaǵy lızıngtik baǵdarlamalary sheńberinde satyp alýǵa bolady.

«Kıroves» - 1924 jyldan shyǵaryla bastaǵan, ańyzǵa aınalǵan dóńgelekti traktor. Keńestik traktor jasaýdyń negizi sol kezden qalandy.

2014 jyly "Kıroves" jańartylǵan nusqanyń serııalyq óndirisin tapty. Postkeńestik keńistiktegi elderde joǵary suranysqa ıe energııaǵa qanyqqan aýyl sharýashylyǵy traktoryn jańartý dala jaǵdaıynda tehnıkany paıdalanýdy taldaý, sharýalardyń tilekterin eskerý jáne sapany baqylaýdyń kópsatyly jańa júıesin qurý nátıjesinde atqaryldy.

"Kıroves"-ke jetildirilgen jáne senimdi gıdravlıkalyq júıe qoıyldy. Sondaı-aq tehnıkany 3-shi jáne 4-shi sanatty aýyl sharýashylyǵy jabdyqtarymen tolyqtyrýǵa múmkindik beretin biregeı ámbebap aýyl sharýashylyǵy tehnıkasymen jabdyqtaldy. Traktordyń ishki jáne syrtqy dızaıny da ózgerdi.

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar