Ekonomıka • 24 Maýsym, 2020

«Aıannyń» abyroıly isi

36 ret kórsetildi

Jer­gilikti jerde ónim óndirý aı­ryqsha mańyzǵa ıe. Al óndir­gen ónim talǵampaz tuty­ný­shynyń kóńilinen shyǵyp, aby­roıǵa ıe bolsa she?

Osydan úsh jyl buryn Anar stansasynda «Aıan» dıirmen-makaron kombınaty paıdalanýǵa berilgen bolatyn. Az ýaqyttyń ishinde óndirgen ónimderiniń sapasymen tutynýshylar tarapynan táýir baǵa alyp úlgerdi. Qazirgi tutynýshynyń talǵamy da qatań. Naryq qaǵıdasyna saı dámi, túsi, ıisi kóńilden shyqpasa, óndirgen ónimi saýda sóresinde jatyp qalýy da yqtımal.

Negizinen, Nur-Sultan qalasy turǵyndarynyń dastarqanyna adal dámin usynatyn ujym eń aldymen ózderi óndiretin ónimniń sapasy men baǵasynyń qoljetimdiligine basty nazar aýdarady. Makaron ónimderi bıdaıdyń qatty sorttarynan barlyq tehnologııalyq tártipti saqtaı otyryp, ıtalııalyq qurylǵyda daıyndalady.

Joba quny – 3 mlrd teńge. Onyń 1 mlrd teńgesi óz qarjylary bolsa, 2 mlrd teńgeni nesıege alǵan. Táýligine 150 tonna birinshi, ekinshi, úshinshi sortty un úgýge qýaty jetedi. 11 túrli, jalpy kólemi 20 tonnadan astam makaron ónimderin daıyndaıdy. Qazir kombınatta 60 adam turaqty jumyspen qamtylǵan. Aılyq ortasha jalaqy 90 myń teńgeni quraıdy. Jumys kózi tabyla bermeıtin at tóbelindeı stansa úshin bul úlken kómek. Jumysshylarǵa da qolaıly jaǵdaı týǵyzylyp otyr. Shetten kelip eńbek etetinderge arnalyp qonaqúı turǵyzylǵan.

Elordany azyq-túlikpen qamtý beldeýinde ornalasqan kombınattyń qareketi kóńil toǵaıtarlyq. Aýyl sharýashylyǵy ónimderin dál osylaı óńdeı bilsek, órge shyǵarymyz sózsiz.

 

Aqmola oblysy,

Arshaly aýdany

 

Sońǵy jańalyqtar

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Elimizde kúnbaǵys maıy qymbattady

Qoǵam • Búgin, 11:18

Uqsas jańalyqtar