Infeksııa saldarynan kúni búginge deıin 477 myńnan astam adam qaıtys boldy. DDU barlyq elderdi halyqtyń densaýlyǵy men ınfeksııaǵa qarsy sharalardy eki esege arttyrýǵa shaqyryp otyr.
Búgin uıymnyń bas dırektory Tedros Gebreıesýs bolǵan onlaın-brıfıngte olar koronavırýstyń jańa preparaty - deksametazonnyń tıimdiligin baǵalady, . COVID-19-men aýyr naýqastardyń ómirin saqtap qalýǵa bolatynyn aıtty. Buǵan sońǵy zertteýler negiz beredi eken.
"Kelesi mindet - óndiristi ulǵaıtý jáne búkil álemde deksametazonnyń tez jáne teń mólsherde taralýy, eń qajet jerlerge nazar aýdarý", - deıdi ol.
Sońǵy 24 saǵat ishinde álemde koronavırýstyń rekordtyq sany tirkeldi. DDU málimetteri boıynsha, 183 myń adam juqtyrǵan, olardyń 50 myńy - Brazılııa turǵyndary. Latyn Amerıkasynda eń mazasyz jaǵdaılardyń biri. Antı-rekord Meksıkada tirkeldi. Bir kúnde elde COVID-19 saldarynan 1000-nan astam adam qaıtys boldy. Bul álemdegi pandemııa bastalǵannan beri pnevmonııanyń jańa túrinen bolatyn ólim-jitimniń eń joǵary kórsetkishi. Osylaısha, bir kúnde ólimniń ósýine sáıkes, el Brazılııa men AQSh-ty basyp ozdy. Meksıkada karantındik sharalar jaqynda ǵana álsiredi, dúkender men kásiporyndar qaıta ashyldy. Endi statıstıkany kórgen turǵyndar baıaǵy dúkender jabylyp, esik-tereze oqshaýlanǵan kúnder qaıta oralady dep qaýiptenedi.
Deksametazon preparatynyń aýrý kezinde aýyr COVID-19 bar naýqastardy emdeýdegi tıimdiligi búkil álemde preparatqa suranystyń artýyna ákeldi.
"Endi óndiris kólemin kóbeıtý jáne jetispeıtin jerlerge qalaı jetkizý kerek degen suraq týyndady", - dedi DDU basshysy Tedros Gebreıesýs.
Birinshiden, DDU aýyr naýqastar sany kóp elderdi dári-dármekpen qamtamasyz etedi. Alaıda, Dúnıejúzilik densaýlyq saqtaý uıymy eskertken mańyzdy másele, deksametazon COVID-19 úshin panaseıa emes jáne durys qoldanylmaǵan jaǵdaıda zııan keltirýi múmkin.
"Bizde preparattyń aýrýdyń jeńil túrlerin emdeýge nemese asqynýlardyń aldyn alýǵa tıimdiligi týraly málimetter joq", - dep atap kórsetti DDU bas dırektory.
