Qoǵam • 24 Maýsym, 2020

Jedel medısınalyq kómek qyzmetkerleri 2 mlrd teńgeden astam qosymsha tólem aldy

10 ret kórsetildi

Mamyr aıynda 11 823 jedel medısınalyq kómek qyzmetkeri 2 mlrd teńgeden astam somada qosymsha tólem aldy. Bul týraly Ulttyq shuǵyl medısınany úılestirý ortalyǵy basqarma tóraǵasynyń mindetin atqarýshy Baýyrjan Júsipov málimdedi, - dep habarlaıdy Egemen.kz.

"Prezıdenttiń tapsyrmasyn oryndaý maqsatynda koronavırýsqa qarsy kúres sheńberinde epıdemııaǵa qarsy is-sharalardy júrgizýge tartylǵan medısına qyzmetkerlerin yntalandyrý jáne qoldaý úshin jedel medısınalyq kómek qyzmetkerlerine qosymsha tólemder júzege asyrylady. Osy jyldyń mamyr aıynda 11 823 jedel medısınalyq kómek qyzmetkeri 2 mlrd teńgeden astam somada qosymsha tólem aldy", - dedi Ulttyq shuǵyl medısınany úılestirý ortalyǵy basqarma tóraǵasynyń mindetin atqarýshy Baýyrjan Júsipov.

Sondaı-aq, ol koronavırýstyq ınfeksııasy bar aýyr pasıentterdi emdeýdi der kezinde túzetý jáne jedel medısınalyq kómek kórsetý maqsatynda respýblıkalyq ǵylymı ortalyqtardyń professorlary men beıindi sarapshylary Ultttyq shuǵyl medısınany úılestirý ortalyǵynyń bazasynda óńirlerde pasıentterdi emdeý taktıkasy boıynsha telekonsýltasııalar júrgizetinin aıtty. Barlyq kezeńde barlyǵy 6 000-nan astam telekonsýltasııa júrgizilgen.

Jalpy, jedel medısınalyq kómek kórsetýdiń qoljetimdiligi men ýaqtylyǵyn jaqsartý boıynsha jumys jalǵasa beredi.

Sońǵy jańalyqtar

Uqsas jańalyqtar