Azamattardyń kiristerin mindetti deklarasııalaý júıesine kóshý ekonomıkanyń kóleńkeden ketýine yqpal etip, jeke tulǵalarǵa memlekettik baǵaly qaǵazdardy satý paıdalanylmaǵan ishki resýrstarǵa qol jetkizýge múmkindik beredi.
Talqylaý nátıjeleri boıynsha depýtattar máseleni egjeı-tegjeıli zerdelep, naqty ekonomıkaǵa halyqtyń bos qarajattaryn tartýdy yntalandyrý boıynsha naqty usynystar daıyndaýǵa sheshim qabyldady.
Sarapshylar kóleńkeli ekonomıkadan qarajat tartý úshin olardy kapıtaldy raqymshylyq jasaý arqyly zańdastyrý qajet dep atap ótti.
Depýtattar kapıtalǵa raqymshylyq jasaýdy zań túrinde qabyldaǵan jón, degen pikir bildirdi, óıtkeni bul "azamattarǵa senim artyp, parlamenttik baqylaý obektisine aınalady". Sondaı-aq, depýtattar halyqqa áleýmettik qoldaý kórsetetin, ádil salyq júıesin quryp, beıresmı ekonomıkany anyqtaıtyn azamattardyń kiristerin mindetti túrde deklarasııalaý júıesin engizý máselesin talqylady.
"Kóleńkeli sektordyń kólemin azaıtý kóbinese ınstıtýsıonaldyq máselelerdi sheshýge, ıaǵnı kásipkerlerdiń quqyqtary men bostandyqtaryn qorǵaýǵa baılanysty bolady. Osy maqsatta depýtattar kásipkerlik erkindigi men jeke menshiktiń qol suǵylmaýy týraly zańdardy jetildirý qajettiligin qoldady", delingen habarlamada.
