Kólik salyǵyn tóleý merzimin keıinge shegergen tıimdi

Jalpy otyrys barysynda Palata birqatar ratıfıkasııa­lana­tyn zań jobalaryn jumys­qa aldy. Eń aldymen depýtat­tar 3 zań jobasy boıynsha qorytyndy ázirleýdi maqul­dady. Atap aıtar bolsaq, erkin saýda aımaǵyn qurý týra­ly kelisimge qatysýshy memleket­terdiń arasynda tasymaldanatyn taýarlardy keden­dik resimdeýdiń jáne keden­dik baqy­laý­dyń tártibine, Qazaq­stan men Grýzııa úkimetteri ara­syn­daǵy Halyqaralyq avtomo­bıl qa­ty­nasy týraly keli­sim­ge, Ha­lyq­aralyq qarjy kor­pora­sııa­sy­nyń Qazaqstanda ofıster qurý jáne olardyń qyz­meti tý­ra­­ly kelisimdi ratıfı­kasııa­laý­ǵa qatysty qujattar bo­ıyn­sha qorytyndy ázirlenetin boldy.

Odan ári Ulttyq ekonomıka mı­nıstri Rýslan Dálenov depý­­tattarǵa «Qazaqstan Respýb­­lı­ka­synyń keıbir zańna­malyq akti­leri­ne salyq salý jáne ınves­tı­sııa­lyq ahýaldy jetildirý máse­leleri boıynsha ózgerister men to­lyq­tyrýlar engizý týra­­ly» zań jobasyn usyndy. Qujat sa­lyq salýdyń ózekti mindet­terin sheshý maqsatynda ázirlendi.

Mınıstrdiń aıtýynsha, zań jobasy jeke tulǵalarǵa salyq salýdy jeńildetý, ınves­tısııa­lar­dy yntalandyrý, sa­lyq­tyq ákim­shilendirý baǵyt­taryn qamtıdy.

Baıandama barysynda salyq tóleýshilerge qolaıly bolý maq­satyn­da kólik salyǵyn tóleý mer­zimin osy jyldyń 31 jel­toq­­sanynan kelesi jyldyń 1 sáýirine aýystyrý usynyldy. So­ny­men qatar ınvestısııalyq salyq­tyq kredıtti engizý usy­nyl­dy. Zań jobasy boıynsha kre­dıt korporatıvtik tabys saly­ǵy jáne múlik salyǵy bo­ıyn­­sha 3 jylǵa beriletin bolady. Ol pa­ıyzsyz bolady, biraq shart­tar oryn­dalmaǵan jaǵdaıda ósimpul eseptelmek.

«Maqtany qaıta óńdeýge, ashyt­­qy, kondıterlik ónimder, qant qyzyl­shasynan qantty ón­dirýge eseptelgen qosylǵan qun saly­­ǵy­n azaıtý boıynsha nor­ma­ny qoldaný usynylady. Bul aýyl sharýashylyǵy ónim­derin qaı­ta óńdeýdi, óndiris kóle­min ul­ǵaı­týdy yntalandyra­tyn bolady.

Eksport kezinde qosylǵan qun salyǵyn qaıtarý rásimin ońaı­latý maqsatynda otandyq ón­dirý­shiler úshin qosylǵan qun sa­ly­ǵyn jeńildetilgen túr­de qaı­tarý quqyǵyn berý usy­ny­lady: ıaǵnı tekserýsiz – 50%, qal­ǵan  50%-y tekserýden keıin.

Kólik quraldary men aýyl sharýashylyǵy tehnıkasynyń komponentterin óndirý úshin qosylǵan qun salyǵy boıynsha jeńildikti qoldaný usynylady. Bul otandyq avtokólikterdegi qazaqstandyq qamtý úlesin arttyrady», dedi mınıstr.

Zań jobasy birinshi oqylym­da maquldandy.

Odan keıin «Qazaqstan Res­pýblıkasynyń keıbir zań­namalyq aktilerine qaldyq­tardy energetıkalyq kádege jaratý máseleleri boıynsha ózge­rister men tolyqtyrýlar engizý týraly» zań jobasy ekinshi oqylymda maquldandy.

Qujat boıynsha baıandama ja­saǵan Ekologııa máseleleri já­ne tabıǵat paıdalaný ko­mı­tetiniń múshesi Shavhat О́te­misov zań jobasyn ekinshi oqy­lym­ǵa daıyndaý barysynda qu­qyq­tyq olqylyqtardy ári qu­qyq qoldanýda týyndaıtyn qaı­­shy­lyqtardy boldyrmaýǵa, son­­daı-aq normalardyń redaksııasyn jaqsartýǵa jáne olardy ta­laptarǵa sáıkes keltirýge baǵyt­talǵan birqatar túzetý qaras­tyrylǵanyn aıtty.

Atalǵan qujat qaldyqtardy energetıkalyq kádege jaratý jónindegi jobalardy iske asyrý úshin quqyqtyq qoldaý tetik­terin qurý maqsatynda ázir­lendi. Osy­ǵan baılanysty, zań jobasynda ekologııa, elektr energetıkasy jáne jańar­tylatyn ener­gııa kózderin paıdalaný sala­syn­daǵy qol­danys­taǵy zańnamaǵa ózgerister men tolyqtyrýlar engizý kózdeledi.

«Zań jobasyn birinshi oqy­lym­da talqylaǵan kezde aı­tylǵan­daı, ol qaldyqtardy ener­getı­kalyq kádege jaratý úshin qu­qyqtyq baza qalyptas­tyrý maq­satynda ázirlendi. Qu­jat tur­mystyq qatty qal­dyq­tar­dy ter­mııalyq jolmen óń­deý ar­qyly elektr energııa­syn alýdy kóz­deıdi. Bul proses­ter ekologııa­lyq jáne ekono­mı­ka­lyq oń nátıje alýǵa yqpal ete­tin bolady», dedi Shavhat О́temisov.