Ońtústik Qazaqstannyń Saryaǵashynda estigen adamnyń jaǵasyn ustatatyn sumdyq oqıǵa boldy. Jastary jıyrmadan jańa asqan órimdeı órender ózderinen kóp úlken bir júrgizýshi kisini tepkilep óltirdi. Bul týraly «7 arna» habarlady.
Ońtústik Qazaqstannyń Saryaǵashynda estigen adamnyń jaǵasyn ustatatyn sumdyq oqıǵa boldy. Jastary jıyrmadan jańa asqan órimdeı órender ózderinen kóp úlken bir júrgizýshi kisini tepkilep óltirdi. Bul týraly «7 arna» habarlady.
Kóshe boıymen órlep kele jatqan júgensiz jastar tobyna bir qıylysta álgindegi kólik ıesi kezige qalady. Osy jerden buryla bergen júrgizýshi álgilerdiń biriniń aıaǵyn basyp ketipti. Sol-aq eken, iship alǵan jastar dereý jol polısııasyna habar berýdiń ornyna, júrgizýshige tap berip, ony jabylyp uryp tastaıdy.
Osy soqqylardan alǵan jaraqaty saldarynan kólik ıesi aýrýhanaǵa jatqyzylady. Biraq esin jııa almaǵan 50 jasar azamat sol jerde jantásilim etedi.
«Qaıtys bolǵan kisi sol kúni keshke VAZ kóligin júrgizip kele jatady. Kúdiktiler ony jerge jatqyzyp alyp, aıaqtarymen de, qoldarymen de aıaýsyz soqqylaıdy. Onyń denesinde saý-tamtyq qalmapty. Basy men keýdesi janshylyp ketken. Shamasy, osy alǵan jaraqattarynan qaıtys bolǵan sııaqty. Ony endi sot-medısınalyq saraptamasy anyqtaıdy», dedi Saryaǵash aýdandyq ishki ister bólimi bastyǵynyń orynbasary Asqar Eshanqulov.
Qazir kúdiktiler túgel ustalyp, jaýap berýde. Sol kúni keshke olar úılerine iship alyp kele jatyr eken. Endi ústerinen «Kisi ólimi» baby boıynsha qylmystyq is qozǵaldy.
Sáken MAILYBAI.
