26 jastaǵy hokkeıshi 2018/19 jylǵy Shvesııa chempıonatynyń «Iýrgorden» komandasynda óner kórsetip, úzdik shabýylshy atanǵan. Ol 52 matchta muzaıdynǵa shyǵyp, qarsylas qaqpasyn 12 márte dál kózdep, áriptesterine 25 ret nátıjeli pas asyrǵan. Al pleı-off kezeńinde taǵy 8 shaıba soǵyp, 5 shaıbanyń soǵylýyna múmkindik jasaǵan. Sol maýsymda Lılıanyń komandasy Shvesııa birinshiliginiń kúmis júldegeri atandy.
Osyndaı tabysty ónerinen keıin Iаkob Lılıa Ulttyq hokkeı lıgasynyń «Kolambýs» klýbynda oınaýǵa múmkindik aldy. Biraq álemniń eń úzdik lıgasynda onyń oıyny júrmedi. Bir jyldyń ishinde ol 37 match ótkizip, nebári 5 upaı jınaǵan. О́tken maýsymda Lılıa Shvesııanyń ulttyq quramasyna shaqyrylyp, Eýrotýrdyń birneshe matchyna qatysty.
Aıta keteıik, «Barys» pen shvesııalyq shabýylshy arasyndaǵy kelisimshart bir jylǵa josparlanǵan.
