2019 jyldyń sáýirden 2020 jyldyń maýsymyna deıin QR Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy qyzmetin atqardy. Qojahmet Madııar Dúısenbaıuly 1984 jyly Qaraǵandy qalasynda dúnıege kelgen.
L.N.Gýmılev atyndaǵy Eýrazııa Ulttyq ýnıversıtetin halyqaralyq quqyq mamandyǵy boıynsha támamdaǵan, Elbasynyń «Bolashaq» baǵdarlamasymen Cheh Agrotehnıkalyq ýnıversıtetinde (CULS Prague) halyqaralyq quqyq jáne ekonomıka mamandyǵy boıynsha magıstr dárejesin alǵan.
2003-2006 jyldar aralyǵynda respýblıkalyq "Qazaqstan jastary kongresi" jastar uıymynda qyzmet etti. Eńbek jolyn jobalar úılestirýshisi qyzmetinen bastaǵan.
2008 jyldyń shildesinen qazan aıyna QR Bilim jáne ǵylym mınıstrliginiń Tárbıe jumysy jáne jastar saıasaty departamenti uıymdastyrýshylyq-ádistemelik jáne tárbıe jumysy bóliminiń bastyǵy.
2008-2010 jyldar aralyǵynda QR Bilim jáne ǵylym mınıstrliginiń Tárbıe jumysy jáne jastar saıasat departamenti dırektorynyń orynbasary boldy.
2010-2012 jyldar aralyǵynda QR Bilim jáne ǵylym mınıstrliginiń Tárbıe jumysy jáne jastar saıasaty departamentiniń dırektory qyzmetin atqardy.
2012–2014 jyldar aralyǵynda QR Prezıdent Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń ınspektory bolyp jumys istedi.
2014-2017 jyldary Soltústik Qazaqstan oblysy ákimi apparatynyń basshysy laýazymynda boldy.
2017 -2019 jyldary Soltústik Qazaqstan oblysy ákiminiń orynbasary laýazymyn atqardy.
Qazaq, orys, aǵylshyn jáne túrik tilderin meńgergen. "Qazaqstan Parlamentine 10 jyl" medalimen, "Qurmet gramotasymen", "Qazaqstan Respýblıkasynyń táýelsizdigine 25 jyl" merekelik medalimen marapattalǵan.
