Qazaqstan • 01 Shilde, 2020

Zańsyz qarýlardy onlaın tapsyrýǵa bolady

36 ret kórsetildi

1 shildeden bastap respýblıka aýmaǵynda halyqtan zańsyz saqtalǵan atys qarýyn, oq-dáriler men jarylǵysh zattardy satyp alý boıynsha jyl saıynǵy aksııa bastalady. Bul týraly IIM baspasóz qyzmetine silteme jasaı otyryp Egemen.kz habarlaıdy.

Qarý-jaraq zattaryn erikti túrde tapsyrǵany úshin qarýdyń ár birligine onyń tehnıkalyq jaı-kúıine baılanysty komıssııa sheshimine sáıkes somasy onnan júzge deıingi aılyq eseptik kórsetkish tólem kózdelgen.

Syıaqy tólemi qarý-jaraq zattaryn tapsyrǵan adamdardyń shotyna aýdarý arqyly júzege asyrylatyn bolady.

Erikti túrde tirkelmegen atys qarýyn, oq-dárilerdi jáne jarylǵysh zattardy tapsyrǵan adamdar qylmystyq jáne ákimshilik jaýapkershikke tartylýdan bosatylady.

Elimizdegi epıdemııalyq ahýaldyń kúrdelenýin eskere otyryp, qolda bar qarý-jaraq zattaryn tapsyrýǵa nıet bildirgender polısııa organdaryna barmaı-aq, polısııa departamentteriniń saıtynda kórsetilgen "qaýyrt jeli" telefondaryna nemese "102" nomerine habarlassa jetkilikti.

О́tinishterdi jáne halyqta zańsyz saqtalǵan qarý-jaraq zattaryn qabyldaýdy oryndarǵa shyǵa otyra, ishki ister organdarynyń qyzmetkerleri júzege asyratyn bolady. Buryn olardy qabyldaý aýmaqtyq polısııa organdarynda júrgizilgen bolatyn.

Jarylǵysh materıaldar men oq-dárilerdi taýyp alǵan jaǵdaıda olarmen qandaı da bir is-áreket jasamaı, tek polısııa bólimshesiniń kórsetilgen telefon nómirlerine habarlaý qajet.

Anyqtama: Halyqta zańsyz saqtalǵan atys qarýyn, oq-dáriler men jarylǵysh zattardy satyp alý boıynsha aksııalar 2012 jyldan bastap ótkizilip keledi. Bul kezeńde halyqtan  51 myń birilikten astam qarý jáne 2 mln. oıyq qarý patrondary satyp alynǵan. Bul rette atys qarýyn qoldana otyryp jasalatyn qylmystar úsh esege (2012j. 694-ten 2019j. 238-ge deıin) tómendedi.

Sońǵy jańalyqtar

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

«Shahter» komandasyna jańa bas bapker keldi

Aımaqtar • 16 Sáýir, 2021

Teatrda «Maýglıdiń» tusaýkeseri ótti

О́ner • 16 Sáýir, 2021

Eki kılogramm esirtki tárkilendi

Oqıǵa • 16 Sáýir, 2021

Uqsas jańalyqtar