Álem • 03 Shilde, 2020

Eýropalyq áıelder indet saldarynan jumyssyz otyr

28 ret kórsetildi

Eýroodaqtaǵy jumyssyzdyq sońǵy 8 aıda rekordtyq deńgeıge jetti jáne mamyr aıyndaǵy kórsetkishke sáıkes 6,7% quraıdy, dep habarlaıdy Egemen.kz

Pandemııanyń beleń alýy er adamdar men áıel qaýymyna aıtarlyqtaı áser etti. Áıelder arasyndaǵy jumyssyzdyq sáýir aıynda 6,9%-dan 7,2%-ǵa deıin ósti. Al erler arasynda jaǵdaı birqalypty.

Halyqaralyq eńbek uıymynda bul úrdis kelesideı túsindiriledi:

"Negizinde orta jáne shaǵyn kásipkerliktiń kópshiligin áıel zaty basqarǵandyqtan, indettiń zalaly kóbinese osy sektorlardy qamtydy. Sebebi úıde qyzmet kórsetý salasynyń, densaýlyq saqtaý, áleýmettik qamsyzdandyrýdyń basym bóligin názik jandylar atqaratyn. Osylaısha, biz sońǵy jyldary qol jetkizgen genderlik teńdik salasyndaǵy jetistikterimizdi joǵaltamyz", deıdi HEU bas dırektory Gaı Raıder.

EOB boljamy boıynsha, osy jyldyń úshinshi toqsanynda Eýroaımaqtaǵy jumyssyzdyq deńgeıi 10%-dan asýy múmkin. Shekteý sharalarynyń álsireýi bastalǵannan beri ondaǵan eýropalyq kompanııalar jumys oryndarynyń jappaı qysqarǵany týraly málimdedi.

Sońǵy jańalyqtar

Vıkıngterdiń izimen

Tarıh • Keshe

Uqsas jańalyqtar