Aımaqtar • 06 Shilde, 2020

Atyraýda dári-dármekti qymbattatqan dárihana jabylady

98 ret kórsetildi

Oblys ákiminiń birinshi orynbasary, koronavırýspen kúres jónindegi óńirlik jedel shtabtyń tóraǵasy Nurlan Taýbaevtyń aıtýynsha, Atyraýǵa eki kún qatarynan tapshy dári-dármekter partııasy jetkizildi, - dep habarlaıdy Egemen.kz

"Keshe jáne búgin aımaqqa qajetti dári-dármekter jetkizildi. Olardyń alǵashqy legi medısınalyq mekemelerge jiberildi. Endi aýrýhanalarda koronavırýs ınfeksııasyn juqtyrǵan naýqastardyń emdelýin qamtamasyz etetin dárilerdiń qory jetkilikti. Al, búgin jetkizilgen dáriler erteń dárihanalarǵa taratylatyn bolady. Aldymyzdaǵy aptanyń beısenbisinde taǵy da dári-dármek qory jetkiziledi dep kútilýde. Ákelinetin dári-dármekterdiń jıyntyǵy arqyly tapshylyq máselesi oń sheshiledi", - dedi Nurlan Taýbaev.

Onyń aıtýynsha, arnaıy monıtorıngtik top dárihanalardyń qyzmetin qadaǵalap, dári-dármek baǵasy qymbattasa, qatań sharalar qoldanady.

"Memleket basshysy qol qoıǵan dári-dármek baǵasyn retteý týraly zańda osyndaı norma bekitilgen. Monıtorıng toby dárilerdiń baǵasyn qadaǵalap otyrady. Eger dárihanalarda dári-dármek qunynyń shekti baǵadan asyp ketkeni anyqtalsa, sol dárihanalar jabylyp, lısenzııasynan aıyrýǵa deıin qatań sharalar qoldanylady. Sondaı-aq, dárihana basshylyǵyna aıyppul salynady", - dedi ol.

Sońǵy jańalyqtar

Tarazda Qonaev eskertkishi boı kóterdi

Aımaqtar • Búgin, 12:50

Qazaqstanda qansha adam vaksına aldy

Koronavırýs • Búgin, 10:42

Elimizde 1452 adamnan koronavırýs anyqtaldy

Koronavırýs • Búgin, 09:05

Uqsas jańalyqtar