Aımaqtar • 07 Shilde, 2020

Alekseı Soı Atyraýdaǵy ınfeksııalyq stasıonardy onlaın aralady

82 ret kórsetildi

Densaýlyq saqtaý mınıstri Alekseı Soı Atyraý oblysyndaǵy qazirgi epıdemıologııalyq jaǵdaıdy baǵalaý úshin №2 oblystyq aýrýhana men oblystyq jedel medısınalyq járdem stansııasyn onlaın rejımde aralady. Bul týraly DSM baspasóz qyzmeti habarlady, - dep jazady Egemen.kz

Mınıstr qabyldaý bólimshesiniń, jaǵdaıy aýyr pasıentterge arnalǵan reanımasııa bólimshesiniń jáne ınfeksııalyq bólimsheniń, 103 dıspetcherlik qyzmeti men mobıldi ámbebap brıgadanyń jumysymen tanysty.

Qazir № 2 oblystyq aýrýhanada COVID-19 koronavırýs ınfeksııasyna shaldyqqan pasıentterge arnalǵan 180 ınfeksııalyq tósek bar. 162 naýqas em alýda, tósek-orynnyń 90% bos emes. Aýrýhanadaǵy 100 oryn ottekti konsolmen qamtamasyz etilgen, 12 О́JJ apparaty bar.

Densaýlyq saqtaý basqarmasynyń basshysy N. Qabdyqaparov qosymsha 90 tósektik ınfeksııalyq stasıonar salý josparlanyp otyrǵanyn aıtty. Demeýshiler taǵy 30 О́JJ jáne 100 oksıgenasııa apparatyn satyp alyp bermek. Budan basqa, Qurmanǵazy aýdanynda kompıýterlik tomografııa apparaty alynady.

"Ortalyqtandyrylǵan ottegi júıesi joq jerlerge ottegi konsentratoryn ornatý kerek. Eger ottegisiz jumys isteıtin konsentrattar bolsa, ony satyp alý qajet. Mundaı apparattardy birinshi kezekte muqtaj stasıonarlarǵa jiberińizder", - dedi mınıstr.

Kezek oblystyq jedel medısınalyq járdem stansııasyna kelgende Alekseı Soı 103 dıspetcherlik qyzmetimen, jedel járdem qońyraýyn qabyldaý, pasıentterdiń jaǵdaıynyń aýyrlyǵyna baılanysty qońyraýlardy suryptaý jumysymen tanysty. Búginde 42 jedel járdem brıgadasy medısınalyq kómek kórsetedi, táýligine shamamen 1 100-1 200 shaqyrý qabyldaıdy, júkteme eki ese artty.

Mınıstr mobıldi ámbebap brıgadanyń jumysyn kúsheıtýdi, ambýlatorııalyq dári-dármekpen qamtamasyz etý aıasynda dárilik zattardy ýaqytyly jetkizýdi, sonymen qatar, ınfeksııalyq stasıonarlardan shyqqan naýqastardyń ambýlatorııalyq emine erekshe nazar aýdarýdy tapsyrdy.

Mobıldi brıgada bir táýlikte 35 qońyraýǵa qyzmet kórsetedi, mamandar respıratorlyq aýrý boıynsha shaqyrǵandardan PTR-test kómegimen COVID-19 analız alady, pasıentti qarap, satýrasııasyn ólsheıdi.

Sońǵy jańalyqtar

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Bir oblys «qyzyl» aımaqta tur

Koronavırýs • Keshe

Uly dala muralary

Elorda • Keshe

Eki júlde – «egemendikterde»

Egemen Qazaqstan • Keshe

Tbılısıde top jardy

Sport • Keshe

Kardıng shabýyly

Qoǵam • Keshe

Uqsas jańalyqtar