Koronavırýstyq ınfeksııanyń taralýyna baılanysty kóptegen is-shara onlaın-formatta ótkiziledi. Olardyń biri − zańsyz aınalymdaǵy qarýdy satyp alý aksııasy.
Sozaq aýdanynyń turǵyny Maqulbek Serikuly 12 kalıbrli tegis uńǵyly ańshy myltyǵyn óz erkimen tapsyrǵan. Al Jetisý aýdanynyń turǵyny Maǵaýıa erikti túrde eki tegis uńǵyly ańshy myltyǵyn bergen. Qazirgi ýaqytta qarý saraptamaǵa jiberildi, keıin azamattarǵa aqshalaı syıaqy tóleý týraly sheshim qabyldanady.
Qarý-jaraq zattaryn óz erkimen tapsyrǵan azamattarǵa syıaqy tóleý, olar kórsetken shottarǵa aqshalaı qarajatty esepteý jolymen júzege asyrylatyn bolady. Budan basqa, tirkelmegen atys qarýyn, oq-dárilerdi jáne jarylǵysh zattardy óz erkimen tapsyrǵan azamattar qylmystyq jáne ákimshilik jaýapkershilikten bosatylady.
Polısııa qyzmetkerleri qarý-jaraq zattaryn óz erkimen tapsyrǵany úshin memleket qarýdyń árbir birligi úshin tıisti tólem qarastyrǵanyn eske salady. Sondaı-aq, tirkelmegen qarýdy óz erkimen tapsyrǵysy kelgen azamattar polısııa ýchaskesine barmaı-aq, 8-778-991-66-66, 8-775-287-16-37 nemese "102" telefondary arqyly habarlasa alady.
