– 2020 jyldyń 11 qańtarynan 30 maýsymyna deıin QK-niń 346-baby 1-bólimi "Basqarý quqyǵynan aıyrylǵan jáne alkogoldik, esirtkilik jáne masań kúıdegi adamnyń kólik quralyn júrgizýi" boıynsha 145 is tirkeldi. Qazirgi ýaqytta 118 is aıaqtaldy, onyń 109-y sotqa jiberildi, qalǵan ister boıynsha sotqa deıingi tergeý júrgizilýde, – dedi BQO IID Anyqtaý basqarmasy basshysynyń mindetin atqarýshy Erlan Jaqsybaev.
Onyń aıtýynsha, sotta isti qaraý nátıjeleri boıynsha oblys kóleminde 90 úkim shyǵaryldy. Onyń ishinde 85 aıyptalýshy ómir boıy kólik júrgizý quqyǵynan aıyrýmen, eki jyldan úsh jylǵa deıin bas bostandyǵynan shekteýdiń ártúrli merzimin aldy. Al bir aıyptalýshy ómir boıy quqyǵynan aıyrylýymen qatar, qoǵamdyq jumystarǵa 600 saǵatqa sottaldy.
