Medısına • 10 Shilde, 2020

Elordada medısınalyq betperdeler shyǵaratyn jańa kásiporyn ashyldy

87 ret kórsetildi

Nur-Sultan qalasynda medısınalyq betperde shyǵarýmen aınalysatyn "Bionisk-Pro" óndiris oshaǵy ashyldy.  О́nerkásiptiń ashylǵanyna nebári eki apta boldy. Osy kúnge deıin 1 mln-nan astam betperde shyǵarylǵan. Bul týraly IIDM baspasóz qyzmetine silteme jasaı otyryp Egemen.kz habarlaıdy.

О́ndiris ornynyń dırektory Aron Qadyrovtyń aıtýynsha, ónerkásip táýligine 180 000 dana betperde shyǵara alady. Qazirgi tańda suranysqa sáıkes, táýligine 80 000 – 120 000 deıin medısınalyq betperde óndirilýde. Bul betperdelerdi qalanyń dárihanalary men emhanalaryna jetkizedi.

Betperde óndirisi avtomattandyrylǵan jáne jartylaı avtomattandyrylǵan eki stanok arqyly júrgiziledi. Birinshi stanok úsh matany biriktirip, útiktep, úsh ret búktep, jıekterine tigis salady. Kelesi stanokta betperdeler arnaıy ólshemmen kesilip, qulaqqa taǵatyn rezeńkesi jelimdeledi. Odan keıin mamandar betperdelerdi tekserip, sanap, arnaıy qaptamalarǵa 50 danadan salyp otyrady.

Betperde óndirisine arnalǵan matalar men rezeńkeler Túrkııa men Irannan jetkiziledi. Al stanoktar Qytaıdan satyp alyndy. О́nerkásip oshaǵynyńy mamandary Shanhaı jáne Gýanchjoý qalalaryna baryp, osy stanoktarda jumys isteýdi arnaıy úırenip keldi.

"Maskalar arnaıy sý ótkizbeıtin, sapa baqylaýynan ótken matalardan jasalady jáne mindetti túrde úsh qabatty bolady. Aıta ketý kerek, maqtaly, toqyma matalardan tigilgen maskalardyń qorǵanysh deńgeıi tómen bolady. Jáne mundaı maskalar sýlanady da, mıkrob jınaıdy. Sondyqtan, arnaıy spanbond, meltblaýn dep atalatyn matalardan daıyndalatyn maskalardy paıdalaný kerek. Bizdiń úshqabatty maskalar osyndaı matalardan tigiledi jáne 92% syrtqy kúshterden tynys alý joldaryn qorǵaı alady", deıdi ónerkásip dırektory.

Jaqynda óndiris orny  balalarǵa arnalǵan betperdeler shyǵarady. Sonymen qatar betperdelerdi kádege jaratý jobasyn daıyndap jatyr. О́ndiris kólemin ulǵaıtý úshin FFP2/FFPP3/KN95 respıratorlarynyń qosymsha jelilerin jetkizýge kelisimsharttar jasaldy.

Meken-jaıy: Nur-Sultan q., Aqbıdaı k-si 4/6

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar