Atyraý qalasynyń 26 jastaǵy turǵynynyń páterin tekserý kezinde ıngavırın (5000 teńge), deksametazon vıal (4000 teńge), azıtromısın (2000 teńge), deksametazon (2000 teńge), lıdokaın býfýs (1000 teńge), metronıdozol (1000 teńge) dári-dármekteri tabyldy. Ol bul dárilerdiń barlyǵyn qymbat baǵamen satypty.
Al, Avangard yqshamaýdanynda turatyn taǵy bir turǵynnyń páterinde medısınalyq betperdeni birneshe ese qymbat baǵaǵa satqany anyqtaldy. Polısııa qyzmetkerleri onyń páterinen 43 myń medısınalyq maska tapty.
"QR Prezıdenti Qasym-Jomart Toqaev Úkimet pen quqyq qorǵaý organdaryna pandemııa kezinde dárihanalardaǵy asa qajetti dári-dármekterdiń negizsiz qymbattaýyna jol bermeýdi tapsyrdy. Polısııa qyzmetkerlerimen anyqtalǵan derekter boıynsha tekserýler júrgiziledi", - dedi Atyraý oblystyq polısııa departamentiniń bastyǵy, polısııa polkovnıgi Qamza Úmbetqalıev.
