"Jaıyq-Atyraý" bekire shabaǵyn ósirý zaýytynyń dırektry Ǵılman Sársemálıevtiń málimetine súıensek, munda bekire tuqymdas balyqtardyń shabaǵy 12 toǵanda ósiriledi. Sońǵy bir aıdan beri sondaı shabaqtardy Jaıyq ózenine jiberilip jatyr.
– Maýsym aıynda bekire, qortpa jáne súıriktiń 1 mln 240 myńnan astam shabaǵyn jibergen edik. Bul jumys 8,9 jáne 10 shilde de jalǵasyp, Jaıyq ózenine shoqyrdyń 2,8 mln shabaǵyn jiberdik. Shabaqtardyń salmaǵy 1,5 gramnan 3-3,5 gramdy qurady, - dedi Ǵılman Sársemálıev.
Onyń aıtýynsha, bıyl atalǵan zaýyt pen "Amangeldi" óndiristik kooperatıviniń balyqshylary bekire tuqymdas balyqtyń 157 danasy aýlapty. Zaýyt mamandary baǵaly balyqtardan qara ýyldyryqty jasandy jolmen alady. Sodan keıin bekire tuqymdas balyqtardy Kaspıı teńizine qaıta jiberdi.
