Aımaqtar • 13 Shilde, 2020

Soltústikqazaqstandyqtar da búkil elimizben birge aza tutty

19 ret kórsetildi

Prezıdent jarııalaǵan Ulttyq aza tutý kúnin soltústikqazaqstandyqtar da atap ótti. Qyzyljardyń ortalyq alańyndaǵy Memlekettik tý tómen túsirilip, oblys ákimi Qumar Aqsaqalov bastaǵan basshylar men qoǵam qaıratkerleri jaman indetten qaza bolǵan otandastarymyzdy bir mınýttyq únsizdikpen eske aldy. 

Jaman indet jerimizge naýryz aıynyń 13-de kirgen edi. Arada 13 kún ótkende alǵashqy otandasymyzdyń ómirin qıdy. Qazir bir kúnde ondaǵan adamnyń ómirin qııýda. Myńdaǵan adam odan emdelip, indettiń zaqymymen kúresýde. Elimizde basqa adamnyń ómiri úshin janyn pıda etýge daıyn erjúrek adamdardyń da bar ekendigi belgili boldy. Olar ásirese, medısına qyzmetkerleri arasynan shyǵyp, azamattarymyzdy qutqaryp qalý jolynda aıanbaı kúresip keledi. Arasynda ózderine de syrqat juqtyryp alǵandary bar. Polısııa qyzmetkerleri arasynan da óz mindetterin abyroımen oryndap, indettiń taralýyna jol bermegen qyzmetkerler qandaı qurmetke bolsyn laıyq.

Oblys ákiminiń orynbasary Ǵanı Nyǵymetov qazaqstandyqtar ózderiniń birtutastyǵymen, indetke qarsy myzǵymas birligimen jeńiske jetetinin aıtty. "Biz búgin jaman indettiń kesirinen qaza bolǵan jerlesterimizdi eske alyp, olardyń rýhyna qurmetimizdi bildirýdemiz. Biz qazir kózge kórinbeıtin, qolǵa ustaýǵa bolmaıtyn belgisiz jaýmen alysýdamyz. Osyndaıda halyq pen bılik birtutastyǵyn kórsetýi kerek. Men jeńis bizde bolatynyna senimdimin", dedi ol.

PETROPAVL

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar