Aımaqtar • 13 Shilde, 2020

Almatyda 14 shildeden bastap ulttyq parkke kirýge tyıym salyndy

65 ret kórsetildi

Epıdemıologııalyq jaǵdaıdyń nasharlaýyna baılanysty jáne koronavırýstyń taralýyn tejeý maqsatynda Almaty ákimdigi 14 shildeden bastap kúsheıtilgen karantın rejımi aıaqtalǵanǵa deıin ulttyq park, tanymal týrıstik jáne taý nysandaryna (Medeý, Býtakov, Alma-Arasan jáne t.b.) kez kelgen kólik túrimen kirýge tyıym salynatyndyǵyn habarlaıdy.

Sondaı-aq atalǵan aýmaqtarda kelesi erejelerdi qatań ustana otyryp jaıaý jáne velosıpedpen serýendeýge tek jumys kúnderi ruqsat etiledi:

1. О́zimen birge azyq-túlik (sýsynnan basqa) alyp kelýge, otyrystar uıymdastyrýǵa jáne ot jaǵýǵa qatań tyıym salynady;
2. Park aýmaǵynda úsh adamnan artyq toptasýǵa bolmaıdy;
3. Sanıtarlyq normalardy jáne áleýmettik ara qashyqtyqty ustaný qajet (maska kııý, adamdar arasynda qashyqtyq saqtaý).

Demalys kúnderi (senbi jáne jeksenbi) Ulttyq park aýmaǵy kelýshiler úshin tolyǵymen jabyq bolady.

Karantın sharalarynyń saqtalýyn TJD, quqyq qorǵaý organdary, SES jáne Ulttyq park qyzmetkerleri birlesip qadaǵalaıtyn bolady. Joǵaryda kórsetilgen erejelerdi buzǵan azamattar park aýmaǵynan shyǵarylyp, ákimshilik jaýapkershilikke tartylady.

Qala turǵyndaryna karantın kezinde taýǵa barmaýǵa keńes beriledi.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar