Rýhanııat • 15 Shilde, 2020

“Astana Balet” teatry jetinshi teatr maýsymyn aıaqtady

106 ret kórsetildi

"Astana Balet" teatry, elordalyq ujym tarıhyndaǵy eń qysqa, jetinshi teatr maýsymyn aıaqtady, dep habarlaıdy Egemen.kz teatrdyń PR qyzmetine silteme jasap.

Bıyl, naýryz aıynda koronavırýs pandemııasynyń saldarynan teatrdyń úırenshikti tirshiligi úzilgenine qaramastan, Mádenıet jáne sport mınıstrliginiń qoldaýy arqasynda, aınaldyrǵan bes aıdyń kóleminde ujym aıtýly premeralaryn ótkizip, Qazaqstan qalalary men alys jáne jaqyn shet elderge gastroldik saparlaryn uıymdastyrdy.

Bıylǵy maýsym Tashkent qalasyndaǵy О́zbekstan Úlken teatrynyń sahnasynda ótken gastrolden bastaldy. Iýrıı Grıgorovıchtiń "Mahabbat týraly ańyz" úsh aktili baleti, sonymen birge, teatrdyń dástúrli "Uly Dala murasy" baǵdarlamasy men "A Fuego Lento" bir aktili baletin ózbek kórermeni erekshe yqylaspen qabyldady. Teatr qoıylymdaryn kórermen qaýym ǵana emes, shet eldik áriptester de joǵary baǵalady. "Astana Balet" -qabyldaýǵa turarlyq tájirıbe", - dep atap ótti Reseı halyq ártisi Andrıs Lıepa.

Budan keıin, teatr Ulybrıtanııaǵa alǵashqy saparyna daıyndala bastady. "Astana Balet" teatry táýelsiz Qazaqstan tarıhynda ańyzǵa aınalǵan Kovent-Garden teatrynyń sahnasynda óner kórsetken alǵashqy ujym edi.Úsh kúndik kórsetilimge bıletter gastrol bastalardan birneshe aı buryn satylyp, brıtan baspasózi men jergilikti synshylar qazaqstandyq trýppanyń ónerin joǵary baǵalady. Aıtalyq, brıtandyq "Taıms" ártisterdiń kelbeti men ójet symbatyn, sonymen birge, "Uly Dala murasy" ulttyq baǵdarlamasynyń ásemdigin erekshe atap ótti. "Broadway World" basylymy "Solomeıa" bir aktili baletiniń baıandaý tásilin kólemdi operamen salystyryp, horeograf Mýkaram Avahrıdiń plastıkalyq tiline tánti boldy.

Maýsymnyń alǵashqy premerasy – horeograf Djordj Balanchınniń "Koncherto Barokko" qoıylymyn maestronyń shákirti – Nanett Glýshak sahnalady. Qysqa ǵana bir aktili balet, qansha degenmen, uzaq daıyndyq pen ártisterdiń sheberligin talap etti. Amerıkalyq neoklassıktiń horeografııasy oryndaýshylyqtyń minsiz dáldigi men tazalyǵyn qajet etedi.

Sol kezde, Halyqaralyq balet kúnine oraı, "Ashyq esik kúnderi" uıymdastyrylyp, kez-kelgen adam teatrǵa tegin kirip, sahna shymyldyǵynyń syrtyndaǵy syrǵa qanyǵyp, "Eýrazııanyń jeti shymyldyǵy" kórmesimen tanysyp, sonymen birge, balet pen onyń tarıhy jaıly qyzyqty dáristi tyńdaı aldy.

Sonymen birge, ujymymyz Pavlodar qalasy men AQSh-tyń tórt qalasyna gastroldik saparyn ótkizdi: San-Fransısko, Los-Andjeles, San-Dıego jáne Eskandıdo. Munymen qosa, teatr ártisteri Dımash Qudaıbergenovtyń Nıý-Iorktegi (AQSh) "BarclaysCenter" arenasy men Máskeýlik Kremldegi jeke konserti men Máskeýdegi Qazaqstan mádenıetiniń kúnderi aıasyndaǵy festıvalge qatysty.

"Astana Balet" teatrynyń shet eldik konsertterin uzyn-sany 30000 adam tamashalady.

Teatrdyń shyǵarmashylyq ujym músheleri memlekettik nagradalarmen marapattaldy: jetekshi solıst Tatıana Ten "Eńbek sińirgen mádenıet qyzmetkeri" ataǵyna, grım sehynyń meńgerýshisi Iаkovenko Valentına - "Eren eńbegi úshin" medaline ıe boldy.

Jeltoqsan aıynda, qazaqstandyq balet tarıhynda alǵash ret, Sergeı Prokofevtiń mýzykasyna "Kúlshe qyz" baletiniń premerasy ótti. Premeralyq kórsetilimderge bıletter bir aı buryn satylyp ketti.

Bıyl, jyl basynda teatr ujymy Almaty, odan keıinAtyraý qalalaryna aýqymdy gastrolin uıymdastyryp edi. Degenmen, TJ rejımi engizilgendikten, Atyraýda tek bir-aqkún óner kórsetken bolatyn. Almaty jáne Atyraý qalalaryndaǵy teatr kórsetilimin tamashalaǵan kórermenniń jalpy sany 4000 adamǵa jýyq.

Teatrdyń bıylǵy maýsymynda 10 baǵdarlama, sonyń ishinde, eki premera kórsetilip, ony, shamamen, 12 000 adam tamashalady. "Sahna syry" tanymdyq ekskýrsııa jobasyna 250-den artyq adam qatysty.

Karantın tártibi engizilgendikten, Teatr qashyqtan jumys isteý ádisine aýysyp, Mádenıet jáne sport mınıstrliginiń qoldaýymen 6 biregeı onlaın-jobany júzege asyrdy.

Ujym "Eurasian Dance Festival" aıasynda ótken spektakldi kórsetip, sonymen birge, Uly Jeńistiń 75jyldyǵyna oraı, "Uly Dala murasy" onlaın-konsertin ótkizdi.  

"Onlaın Teatr" arnaıy jobasy iske qosylyp, sonyń aıasynda álemdik balet juldyzdarymen bes tikeleı efır ótkizildi: Álııa Tanyqpaeva, Iаna Salenko, Aıdos Zaqan, Tatıana Ten. Qoldanýshylardyń uzyn-sany 163 000adamnan asty.

Teatr men onyń tarıhyna baılanysty "On Stage/Online" atty birqatar onlaın-ekskýrsııalar ótkizildi. Bul joba ónerdiń osy bıik úlgisiniń qalyptasýy, onyń etıkasy, ony jaratqan jandar men kórermender jaıly baıandaıdy. Efırde bolǵan eki shyǵarylymdy 98 000 qoldanýshy tamashalady. Elimizdegi epıdemıologııalyq jaǵdaı kúrt ýshyqqandyqtan, kelesi serııalardyń túsirilimi keıinge shegerildi.

Sonymen birge, teatr ujymy QR Mádenıet jáne sport mınıstrligi men "Qazaqtelekom" AQ birlesip júzege asyrǵan "Karantındegi juldyz" onlaın-jobasyna da qatysty. "Astana Balet" teatrynyń ártisterimen ótken shyǵarylym erekshe iltıpatqa bólenip, 30 000 márte qaraldy.

Tigin sehynyń qyzmetkerleri 2000 astam medısınalyq betperde tigip, №4 balalar emhanasyna tabystady.

О́kinishke qaraı, koronavırýs pandemııasy teatrdyń kóptegen jobasyna áser etpeı qoımady. Semeı qalasyna gastrol ótpeı, "Beıbarys Sultan" baletiniń premerasy keıinge shegerilip, Djordj Balanchınniń "Laǵyl" premerasyna daıyndyq belgisiz merzimge shegerildi.

"Astana Balet" teatry basshylyǵynyń aıtýynsha, josparlanǵan premeralar men kórsetilimderdiń bári, elimizdegi epıdemıologııalyq jaǵdaıǵa qaraı, jańasegizinshi teatr maýsymynda júzege asyrylmaqshy.

Sońǵy jańalyqtar

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar