Janat Seıdýmanov 1960 jyldyń 28 qarashasynda Jambylda dúnıege kelgen.
1979 jyly Máskeý tehnologııalyq ınstıtýtyna "Aǵash óńdeý tehnologııasy" mamandyǵyna tústi. 1992 jyly Almatyǵa kóship, sol jyly QazUAÝ Mádenıet qorynyń bas dırektory bolyp taǵaıyndaldy.
1993 jyldyń aqpan aıynda Qazaqstannyń Baspasóz jáne buqaralyq aqparat mınıstriniń kómekshisi boldy. 1993 jyldan 1994 jylǵa deıin "Qos qanat" korporasııasynyń prezıdenti bolyp jumys istedi.
1994 jyly KIMEP-ti ekonomıst-uıymdastyrýshy mamandyǵy boıynsha bitirgen.
1994 jyldan bastap Baspasóz jáne buqaralyq aqparat mınıstrligine qaıta oraldy.
1995 jyldyń tamyzynan 1997 jyldyń shildesine deıin "Qazaq kitap" respýblıkalyq memlekettik konserniniń prezıdenti boldy.
1997-1999 jyldary "Kraý" birlesken Qazaqstan-Reseı kásipornynyń atqarýshy dırektory bolyp jumys istedi.
1999 jyldyń shildesinde Almaty oblysynyń Talǵar aýdanynyń ákimi bolyp taǵaıyndaldy.
2000 jyly Almaty oblysynyń ekonomıka komıtetine aýystyryldy, osy jyly Almaty oblysynyń ınnovasııa jónindegi komıteti bas dırektorynyń birinshi orynbasary bolyp taǵaıyndaldy.
2003 jyldyń qańtarynda konkýrstan ótip, Parlament Májilisiniń apparatyna aqparattyq-taldaý bóliminiń konsýltanty bolyp jumysqa qabyldandy.
2004 jyly Májilis apparaty aqparattyq-taldaý bóliminiń quqyqtyq aqparat, zańnamany esepke alý jáne júıeleý sektorynyń meńgerýshisi bolyp taǵaıyndaldy.
2006 jyldyń tamyz aıynda Qazaqstannyń ulttyq memlekettik Kitap palatasynyń dırektory bolyp taǵaıyndaldy.
2016 jyldyń mamyr aıynan bastap Qazaqstan Ulttyq kitaphanasynyń dırektory bolyp jumys istedi.
Janat Seıdýmanov" Qurmet" ordenimen, mereıtoılyq, reseılik jáne halyqaralyq medaldarmen, sondaı-aq, Qurmet gramotalarymen marapattaldy. Saıası ǵylymdar kandıdaty, bes monografııanyń jáne 40-tan astam ǵylymı maqalanyń avtory.
