"Medservıs plıýs" farmasevtik kompanııasynyń bıznesti damytý jónindegi dırektory Saıda Erdenbekova Almatydaǵy koronavırýs pandemııasyna baılanysty qoımalardyń kúsheıtilgen rejımde jumys jasap jatqanyn aıtty. Ol óziniń sózinde megapolıs dárihanalaryna dári-dármektiń der kezinde jetýi úshin qoımanyń 80 qyzmetkeriniń aıanbaı eńbek etip jatqanyn tilge tıek etti.
S. Erdenbekovanyń málimeti boıynsha, sońǵy eki aptada ómirlik mańyzy bar dári-dármekke degen suranys kúrt artqan. Burynǵy kezeńmen salystyrǵanda, dárihanalarǵa jiberiletin preparattardyń kólemi shamamen jeti esege ulǵaıǵan. Qoımalarda medıkamentterdiń 12 myń túri bar. Kompanııa kún saıyn júk tıelgen jeti fýrdy qabyldaıdy.
"Kún saıyn úlken júk kólikterin, shamamen 5-7 fýrdy qabyldaımyz. Olarǵa tıelgen taýarlar qoımalarda óńdeledi, artynan Almatynyń dárihanalaryna bólinedi. Bizdiń kompanııa qalanyń 700-800-ge jýyq dárihanalaryna qyzmet kórsetedi", - dedi S. Erdenbekova.
"Medservıs plıýs" kompanııasynyń qoımalary 2016 jyldan bastap jumys jasaýda. Munda avstrııalyq konveıer jelisi, gravıtasııalyq stellajdar jáne evropalyq óndiris jabdyqtary qoldanylady.
"Pandemııa bastalǵaly beri adamdar aıanbaı jumys isteýde. Megapolıstiń dárihanalaryna taýardy der kezinde jetkizý úshin qyzmetkerlerimiz keıde tún jarymyna deıin qalyp, jumys isteıdi. Biz barlyǵymyz qalada qandaı kúrdeli ahýaldyń qalyptasqanyn jaqsy túsinemiz. Sondyqtan ıgi bastamalardyń ıeleri – kompanııa qyzmetkerleri. Qajet bolsa biz de tún jarymyna deıin qalamyz", - dep aıtyp ótti S. Erdenbekova.
Ol óziniń sózinde qala basshylyǵynyń sertıfıkattardy jedel resimdeýge, logıstıka men júkti tıeýge pármendi kómek kórsetip otyrǵanyn atap ótti.
"Ákimdik tarapynan aıryqsha qoldaý kórsetilýde, ásirese olar jibergen volonterlar júkti túsirý men bólýge, tasymaldaýǵa der kezinde kómek kórsetýde. Kedendik organdardyń jumystary da retteldi. Qazirgi kezde shetelden jetkizilgen medpreparattar jedel óńdelýde. О́tkir máseleler onlaın sheshimin tabýda. Sonyń arqasynda biz qaı dárihanaǵa kómektesý kerek ekenin,qaı jerde irkilis oryn alǵanyn, ákimdiktiń qandaı máseleni sheshetinin bilip otyramyz.Bul barynsha yńǵaıly bolýda", - dedi S. Erdenbekova.
Aıta keterligi, "Medservıs plıýs" kompanııasy gýmanıtarlyq kómek aıasynda kelgen medıkamentterdi bólýdiń operatory bolyp tabylady.
"Keshe DDSU densaýlyq saqtaý jelisi boıynsha kómek jetkizildi. Iаǵnı, 8 fýr keldi, biz qazir olardy qabyldap, Almaty qalasyna jáne basqa óńirlerge bólýmen aınalysyp jatyrmyz", - dep atap ótti S. Erdenbekova.
Barlyq gýmanıtarlyq kómek tegin medısınalyq kómektiń kepildi kólemi aıasynda emhanalar men aýrýhanalarǵa jiberiledi. Kelgen kómek Qazaqstan boıynsha 14 fılıalǵa bólinedi.
