Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov Koreıa Respýblıkasy Ulttyq saılaý komıssııasynyń tóraǵasy – Azııa saılaý organdary qaýymdastyǵynyń tóraǵasy Lı In-Boktyń shaqyrýymen 150 saılaý organynyń qatysýymen Seýl qalasynda «Turaqty saılaý prosesteri – myqty demokratııa» taqyrybynda ótip jatqan Saılaý máseleleri jónindegi dúnıejúzilik uıymnyń (SMDU) 6-shy konferensııasynyń jumysyna qatysýda.
Qazaqstan Respýblıkasy Ortalyq saılaý komıssııasynyń tóraǵasy Qýandyq Turǵanqulov Koreıa Respýblıkasy Ulttyq saılaý komıssııasynyń tóraǵasy – Azııa saılaý organdary qaýymdastyǵynyń tóraǵasy Lı In-Boktyń shaqyrýymen 150 saılaý organynyń qatysýymen Seýl qalasynda «Turaqty saılaý prosesteri – myqty demokratııa» taqyrybynda ótip jatqan Saılaý máseleleri jónindegi dúnıejúzilik uıymnyń (SMDU) 6-shy konferensııasynyń jumysyna qatysýda.
SMDU konferensııasy saılaý máselelerimen aınalysatyn mamandar úshin jetekshi halyqaralyq forým bolyp tabylady ári baılanystardy retteýge jáne aqparat almasýǵa járdemdesý maqsatyn kózdeıdi. Atalǵan bedeldi is-shara Azııada birinshi ret ótkizilip otyr, buǵan deıingi konferensııalar Kanadada, Meksıkada, Vengrııada, AQSh-ta jáne Botsvanada ótkizilgen bolatyn.
SMDU-nyń 6-shy konferensııasyna 14 qazanda ótken Dúnıejúzilik saılaý komıssııalary qaýymdastyǵynyń (DSKQ) saltanatty tusaýkeser assambleıasy oraılastyrylǵan. Azııa saılaý organdary qaýymdastyǵynyń múshesi bolyp tabylatyn Qazaqstan Respýblıkasy Ortalyq saılaý komıssııasynyń atynan tóraǵa Qýandyq Turǵanqulov Dúnıejúzilik saılaý komıssııalary qaýymdastyǵyn qurý ıdeıasyn qoldaǵan bolatyn. DSKQ saılaý máseleleri boıynsha iri halyqaralyq uıym bolady dep kútilýde.
Q.Turǵanqulov bul sharaǵa da qatysty.
«Egemen-aqparat».
