Keshe Malaızııa Parlamenti Senatynyń prezıdenti Tan Srı Abý Zahar bın Dato Nıka Ýjang bastaǵan Malaızııa parlamentarııleriniń delegasııasy elimizdegi resmı sapar aıasynda Almatyda bolyp, osyndaǵy Halyqaralyq ınnovasııalyq tehnologııalar ýnıversıtetine keldi.
Delegasııa Qazaqstan men Malaızııanyń parlamentaralyq yntymaqtastyq oraıyndaǵy, sondaı-aq eki eldiń saýda-ekonomıkalyq jáne mádenı-gýmanıtarlyq salalardaǵy ózara is-qımyl birliginiń kókeıkesti máselelerin talqylaý maqsatyn kózdegen.
Keshe Malaızııa Parlamenti Senatynyń prezıdenti Tan Srı Abý Zahar bın Dato Nıka Ýjang bastaǵan Malaızııa parlamentarııleriniń delegasııasy elimizdegi resmı sapar aıasynda Almatyda bolyp, osyndaǵy Halyqaralyq ınnovasııalyq tehnologııalar ýnıversıtetine keldi.
Delegasııa Qazaqstan men Malaızııanyń parlamentaralyq yntymaqtastyq oraıyndaǵy, sondaı-aq eki eldiń saýda-ekonomıkalyq jáne mádenı-gýmanıtarlyq salalardaǵy ózara is-qımyl birliginiń kókeıkesti máselelerin talqylaý maqsatyn kózdegen.
Osy sapar kezinde Malaızııa Parlamentiniń delegasııasy Almaty qalasynyń ákimdiginde bolyp, shahardyń jáne máslıhattyń basshylarymen júzdesti. Sonymen birge, Halyqaralyq ınnovasııalyq tehnologııalar ýnıversıtetinde bolǵanda oqý salasymen tanystyqty odan ári damytyp, tájirıbe almasty. Delegasııamen ýnıversıtet basshylyǵy jyly shyraıly kezdesý ótkizip, meımandar osynda bıylǵy jyldyń sáýir aıynda ashylǵan Malaızııa bilim berý ortalyǵyn kórdi.
Búgingi tańda Malaızııada alty myńnan astam Qazaqstan azamattary, jastary oqyp bilim alýda. Malaızııa joǵary oqý oryndaryna tańdaýdyń osynshalyqty mol túsýi eki eldiń rýhanı jaqyndyǵyna jáne damý úlgileriniń uqsastyǵyna baılanysty.
Almaty Halyqaralyq ınnovasııalyq tehnologııalar ýnıversıteti negizinde Malaızııa bilim berý ortalyǵynyń ashylýy arqasynda aldaǵy jyldyń qańtarynan bastap, qazaqstandyq stýdentter óz Otandarynan syrtqa shyqpaı-aq Foundation baǵdarlamasy boıynsha oqyp, Malaızııanyń kez kelgen ýnıversıtetine birden ekinshi kýrsqa túse alady. Ekijaqty kezdesýler kezinde osyndaı tıimdi ýaǵdalastyqtar odan ári naqtylanyp, pysyqtaldy.
«Egemen-aqparat».
