Álem • 17 Shilde, 2020

Qap taýyndaǵy qaqtyǵys

477 ret kórsetildi

Ázerbaıjan men Armenııa shekarasynda, ıaǵnı Tovýz aımaǵynda taǵy atys boldy. Oqıǵanyń bulaı órshýine Baký bıligi de, resmı Erevan da bir-birin kinálap otyr. Ázerbaıjan qorǵanys mınıstrliginiń habarlaýynsha, Armenııa qarýly kúshteri eldi mekenderge oq jaý­dyrǵan.

«Armenııa qarýly kúshteriniń bólim­sheleri 16 shilde kúni tańer­teń Tovýz aı­ma­ǵyndaǵy pozısııa­larymyzǵa sha­býyldaýǵa taǵy bir márte talpyndy. Son­daı-aq Agdam, Dondar Gýshchý jáne Vahıdlı aýyldaryna iri kalıbrli qa­rý­lar men mınometterden oq jaý­dyrdy. Tur­ǵyndar arasynda zardap shekkender joq. Qazirgi tańda jaǵ­daı áskerlerimizdiń baqylaýynda. Ha­lyq­qa qosymsha aqparat beriledi», dedi Ázer­baıjan qorǵanys mınıstrligi bas­pasóz qyzmetiniń jetek­shisi, polkovnık Vagıf Dargıahly.

О́z kezeginde Armenııa tarapy qaq­tyǵys­tyń qaıta órshýine kórshilerin kinálaıdy. Armenııa qorǵanys mınıs­trliginiń baspasóz hatshysy Shýshan Stepanıan áleýmettik jelide shekara mańyn­daǵy Aı­gepar aýyly­nyń atystan keıingi kó­rinisiniń sýretteri men vıdeolaryn jarııalady.

Esterińizde bolsa, 12 shildede Armenııa men Ázerbaıjan shekarasynda qaqtyǵys týyndap, atys eki kúnge sozylǵan-dy. Eki el de jan­jaldy bastady dep bir-birin aıyptady.

Ázerbaıjan prezıdenti Il­ham Álıev oqıǵaǵa baılanys­ty málimdeme jasap, oǵan Arme­nııa­nyń búkil saıası jáne áske­rı bas­shylyǵy tolyq jaýapty eke­nine nazar aýdardy.

Al Armenııa premer-mınıstri Nıkol Pashınıan Ázerbaıjandy «arandatý jasady» dep aıyptap, mundaı áreketke jaýap qaıtarylatynyn jetkizdi.

Qazirge deıin oqıǵa saldarynan bir­neshe sarbaz qaza tapty. Ázerbaıjan qorǵanys mınıstrligi shamamen 11 áskerı baqıǵa attanyp, beseýi jaralanǵanyn má­lim­dedi. Armenııa qorǵanys mınıstrligi keltirgen derekterge súıensek, bul eldiń úsh sarbazy men eki polısııa ofıseri jara­lanǵan.

Osy oqıǵaǵa baılanysty Qazaqstan Syrtqy ister mı­nıs­trligi de málimdeme jasap, ta­raptardy mámilege kelýge sh­aqyrdy. «Dostas Ázer­baı­jan Res­pýblıkasy men Arme­nııa Respýblıkasyn daýly máselelerdi sheshýde ustamdylyq tanytýǵa jáne kúsh quraldaryn paıdalanýdan bas tartýǵa shaqy­ramyz. COVID-19 pandemııa­sy men álemdegi áleýmettik-ekono­mıka­lyq jaǵdaıdyń nasharlaýy aıasynda qaqty­ǵystyń odan ári órshýi kútpegen teris saldarǵa ákelýi múmkin» delingen Qazaqstan Syrt­qy ister mınıstrliginiń málim­demesinde.

Sońǵy jańalyqtar

Almaty qalasynda jer silkindi

Aımaqtar • Keshe

Uqsas jańalyqtar