2013 jylǵy 25 aqpan,Almaty qalasy
Kepildiń jáne basqa qamtamasyz etýdiń qunyn aıqyndaý qaǵıdalaryn bekitý týraly
2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» (Salyq kodeksi) Qazaqstan Respýblıkasynyń Kodeksine sáıkes Qazaqstan Respýblıkasy Ulttyq Bankiniń Basqarmasy qaýly etedi:
1. Qosa berilip otyrǵan Kepildiń jáne basqa qamtamasyz etýdiń qunyn aıqyndaý qaǵıdalary (budan ári – Qaǵıdalar) bekitilsin.
2. Bankter jáne bank operasııalarynyń jekelegen túrlerin júzege asyratyn uıymdar (aksııalarynyń baqylaý paketi ulttyq basqarýshy holdıngke tıesili ulttyq damý ınstıtýty bolyp tabylatyn bankti qospaǵanda) osy qaýly qoldanysqa engizilgen kúnnen bastap bir aı ishinde Qaǵıdalarǵa sáıkes Obekt qunyn aıqyndaý ádistemesin ázirlesin jáne bekitsin.
3. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi jáne 2013 jylǵy 1 qańtardan bastap týyndaǵan qatynastarǵa qoldanylady.
Ulttyq Bank Tóraǵasy G.MARChENKO.
Qazaqstan Respýblıkasynyń Ulttyq Banki Basqarmasynyń
2013 jylǵy 25 aqpandaǵy № 64 qaýlysymen bekitilgen
Kepildiń jáne basqa qamtamasyz etýdiń qunyn aıqyndaý qaǵıdalary
1. Jalpy erejeler
1. Osy Kepildiń jáne basqa qamtamasyz etýdiń qunyn aıqyndaý qaǵıdalary (budan ári – Qaǵıdalar) 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» (Salyq kodeksi) Qazaqstan Respýblıkasynyń kodeksine sáıkes ázirlengen jáne bankter (aksııalarynyń baqylaý paketi ulttyq basqarýshy holdıngke tıesili ulttyq damý ınstıtýty bolyp tabylatyn bankti qospaǵanda) men bank operasııalarynyń jekelegen túrlerin júzege asyratyn uıymdar úshin halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep pen qarjylyq eseptilik týraly zańnamasynyń talaptaryna sáıkes provızııalar (rezervter) qalyptastyrǵan kezde esepke qabyldanatyn kepil jáne basqa qamtamasyz etý bolyp tabylatyn obekt qunyn aıqyndaý tártibin belgileıdi.
2. Qaǵıdalarda mynadaı uǵymdar paıdalanylady:
1) Ádisteme – qarjy uıymynyń atqarýshy organy bekitken Obekt qunyn aıqyndaý ádistemesi;
2) basqa qamtamasyz etý – túrleri bekitilgen Ádistemede kózdelgen kepildeme, kepildik, kepilaqy, kepildi jarna jáne basqa da qamtamasyz etý;
3) derbes aktıvter – Qazaqstan Respýblıkasynyń Ulttyq Banki Basqarmasynyń «Halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna sáıkes provızııalar (rezervter) qurý qaǵıdalaryn bekitý týraly» 2013 jylǵy 25 aqpandaǵy №65 qaýlysymen (Normatıvtik quqyqtyq aktilerdi memlekettik tirkeý tiziliminde №8670 tirkelgen) bekitilgen Halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna sáıkes provızııalar (rezervter) qurý qaǵıdalaryna sáıkes árqaısysy boıynsha provızııalar (rezervter) jeke-jeke esepteletin aktıvter;
4) Komıtet – Qazaqstan Respýblıkasy Ulttyq Bankiniń Qarjy naryǵyn jáne qarjy uıymdaryn baqylaý men qadaǵalaý komıteti.
5) qarjy uıymdary – bankter (aksııalarynyń baqylaý paketi ulttyq basqarýshy holdıngke tıesili ulttyq damý ınstıtýty bolyp tabylatyn bankti qospaǵanda) jáne bank operasııalarynyń jekelegen túrlerin júzege asyratyn uıymdar;
6) obekt – derbes aktıvter boıynsha kepil jáne basqa qamtamasyz etý;
7) táýelsiz baǵalaý – Qazaqstan Respýblıkasynyń baǵalaý qyzmeti týraly zańnamasyna sáıkes qarjy uıymymen jasalǵan baǵalaý júrgizýge arnalǵan shart boıynsha baǵalaýshy júzege asyratyn baǵalaý.
2. Obektiniń qunyn aıqyndaý tártibi
3. Qaǵıdalardyń maqsatynda týyndy qarjy quraldary obekt retinde qarastyrylmaıdy.
4. Myna:
1) Qaǵıdalardyń 5-tarmaǵynda belgilengen jaǵdaılarda – Qazaqstan Respýblıkasynyń baǵalaý qyzmeti týraly zańnamasyna sáıkes baǵalaýshy men qarjy uıymy arasyndaǵy shart boıynsha júrgizilgen baǵalaý týraly esepte aıqyndalǵan qun;
2) ózge jaǵdaılarda – Ádistemede belgilengen tártippen № 13 «Ádil qundy baǵalaý» halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep pen qarjylyq eseptilik týraly zańnamasyna sáıkes aıqyndalǵan qun obekt quny bolyp tabylady.
5. Eger Qaǵıdalardyń 6-tarmaǵynda ózgeshe belgilenbese, obekt qunyn táýelsiz baǵalaý myna:
1) kepilge salynǵan obekt «Jyljymaıtyn múlik ıpotekasy týraly» 1995 jylǵy 23 jeltoqsandaǵy Qazaqstan Respýblıkasynyń Zańy 32-babynyń 3-tarmaǵyna sáıkes qarjy uıymynyń menshigine aınaldyrylǵan kezde sottyń sheshimimen belgilengen aǵymdaǵy baǵalaý quny bolmaǵan jaǵdaıda júzege asyrylady. Mundaı múlik boıynsha táýelsiz baǵalaý Ádistemege sáıkes belgilengen merzimderde, biraq kepilge salynǵan obekti qarjy uıymynyń menshigine berilgen merzimnen keshiktirmeı júzege asyrylady;
2) eger qunyn aıqyndaýdyń aldyndaǵy kúni quny respýblıkalyq bıýdjet týraly zańda belgilengen jáne tıisti qarjy jylynyń birinshi qańtarynda qoldanysta bolǵan 100 000 (júz myń) aılyq eseptik kórsetkishten asatyn jyljymaıtyn múlik obekt bolyp tabylǵan jaǵdaıda júzege asyrylady. Mundaı múlik boıynsha táýelsiz baǵalaý jylyna keminde bir ret júrgiziledi;
3) kepil jáne basqa qamtamasyz etý týraly shart jasalǵan;
4) obektini satý týraly sheshim qabyldanǵan jaǵdaıda júzege asyrylady. Mundaı múlik boıynsha táýelsiz baǵalaý Ádistemege sáıkes belgilengen merzimderde, biraq satý merziminen keshiktirmeı júzege asyrylady. Bul rette mundaı sheshimdi jaýapty organ nemese qarjy uıymynyń problemalyq qarjy aktıvterimen jumys bólimshesi qabyldaıdy jáne jazbasha túrde resimdeledi.
6. Kepil shartyn jasaý jáne kepil jáne basqa da qamtamasyz etý retinde mynadaı obektilerdi:
qarjy quraldaryn (uıymdasqan baǵaly qaǵazdar naryǵynda aınalysta bolmaıtyn baǵaly qaǵazdardy qospaǵanda);
shartqa sáıkes, onyń ishinde ınvestısııalyq jobalar boıynsha bolashaqta klıenttiń menshigine túsetin múlikti;
sharýashylyq seriktestiginiń sońǵy esepti kúni teris qarjylyq nátıjesi bolǵan jaǵdaıda osyndaı seriktestiktiń jarǵylyq kapıtalyna qatysý úlesterin qabyldaý kózdeletin basqa qamtamasyz etý kezinde táýelsiz baǵalaý talap etilmeıdi.
Bul rette osy tarmaqta kórsetilgen obektiler boıynsha qundy baǵalaýdy qarjy uıymyn derbes júzege asyrady.
7. Árbir obektiniń qunyn aıqyndaý boıynsha qun aıqyndalǵannan keıin bes jumys kúninen keshiktirilmeı Ádistemede belgilengen nysan boıynsha qundy aıqyndaý týraly jeke esep jasalady.
Qundy aıqyndaý týraly jeke esepke sondaı-aq mynadaı málimetter kiredi:
1) qorytyndynyń nómiri;
2) qorytyndy jasalǵan kún;
3) kepil týraly sharttyń nómiri men kúni;
4) obektiniń ataýy jáne ornalasqan jeri;
5) qundy aıqyndaý kúni;
6) obektiniń qunyn esepteýdiń paıdalanylǵan ádisteri;
7) obektini sáıkestendiretin jalpy aqparat;
8) obektiniń qunyn esepteý kezinde paıdalanylǵan aqparat;
9) resmı aqparat kózderi;
10) obektiniń qunyn esepteý kezinde paıdalanylǵan joramaldar;
11) obektiniń qunyn aıqyndaý úshin oryndalǵan esepter;
12) obektiniń jıyntyq quny.
8. Obekt boıynsha málimetter (onyń ishinde onyń quny) qun aıqyndalǵannan keıin bes jumys kúninen keshiktirilmeı Qaǵıdalardyń 1-qosymshasynda belgilengen nysan boıynsha jasalǵan, obekt boıynsha derekter kartochkasynda kórsetiledi.
Obekt boıynsha derekter kartochkasy kepil sharty jasalǵan kúni resimdeledi (ashylady) jáne qaryz alýshyǵa qoıylatyn talaptardy taný toqtatylǵan kún aralyǵynda júrgiziledi.
9. Provızııalardyń (rezervterdiń) mólsherin esepteý maqsatynda obektiniń quny Ádistemede kózdelgen kezeńdilikpen, biraq keminde jylyna bir ret salyq zańnamasynda korporatıvtik tabys salyǵy boıynsha belgilengen salyq kezeńiniń sońynda aıqyndalady.
10. Qarjy uıymy Ádistemeni Qaǵıdalarǵa sáıkes ázirleıdi.
Qarjy uıymynyń atqarýshy organy Ádistemeni, sondaı-aq Ádistemege engiziletin ózgeristerdi jáne (nemese) tolyqtyrýlardy bekitedi.
Banktik jáne Qazaqstan Respýblıkasynyń bank zańnamasynda kózdelgen ózge operasııalardy júrgizýge lısenzııasyn Qaǵıdalar qoldanysqa engizilgen kúnnen keıin alǵan qarjy uıymdary banktik jáne Qazaqstan Respýblıkasynyń bank zańnamasynda kózdelgen ózge operasııalardy júrgizýge lısenzııa alǵan kúnnen bastap bir aı ishinde Ádistemeni ázirleıdi jáne bekitedi.
11. Ádistemege mynalar kiredi:
1) qarjy uıymynyń obektiniń qunyn aıqyndaý prosesine qatysatyn qurylymdyq bólimsheleriniń tizbesi, olardyń fýnksıonaldyq mindettemeleri jáne prosester júıeliligin sıpattala otyryp;
2) kepil jáne basqa qamtamasyz etý retinde qabyldanatyn múliktiń tizbesi;
3) obektilerdiń qunyn aıqyndaý kezinde paıdalanylatyn aqparat kózderi;
4) ádisterdi qoldaný negizderi kórsetile otyryp obektilerdiń qunyn aıqyndaý ádisteri;
5) obektilerdiń qunyn aıqyndaýdyń kezeńdiligi;
6) qundy aıqyndaý týraly jeke eseptiń nysany jáne onyń jasaýǵa qoıylatyn talaptar.
12. Ádistemege ózgerister jáne (nemese) tolyqtyrýlar engizý úshin mynalar negiz bolyp tabylady:
1) qarjy uıymynyń obektiniń qunyn aıqyndaý prosesine qatysatyn qurylymdyq bólimsheleriniń fýnksıonaldyq mindetteri sıpattalǵan, bekitilgen Ádistemede kórsetilgen tizbesin ózgertý;
2) bekitilgen Ádistemeniń Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna, halyqaralyq qarjylyq eseptilik standarttaryna sáıkes kelmeýi.
13. Qarjy uıymy bekitilgen Ádistemeniń kóshirmesin, Qaǵıdalardyń 2-qosymshasynda belgilengen nysan boıynsha Ádistemege engizilgen ózgerister jáne (nemese) tolyqtyrýlar týraly aqparatty Ádisteme bekitilgennen keıin bes jumys kúninen keshiktirmeı Komıtetke usynady.
Ádistemeni qaraý nátıjesi boıynsha Komıtet qarjy uıymyna Qaǵıdalardyń 3-qosymshasynda belgilengen nysan boıynsha eskertýlerdiń joq nemese bar ekeni týraly habarlama jiberedi. Komıtettiń eskertýleri Komıtettiń habarlamasynda aıqyndalǵan merzimderden keshiktirilmeı joıylýy tıis.
Qaǵıdalardyń 12-tarmaǵynda kórsetilgen negizder boıynsha ózgertýge jáne (nemese) tolyqtyrýǵa jatatyn Ádisteme Komıtettiń eskertýleri joıylmaıynsha, sondaı-aq ony halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna sáıkes keltirmeıinshe qabyldanbaıdy.
14. Komıtet salyq qyzmeti organynyń suratýy boıynsha osyndaı suratý alynǵan kúnnen bastap kúntizbelik on kún ishinde Ádistemeniń, oǵan engizilgen ózgeristerdiń jáne (nemese) tolyqtyrýlardyń kóshirmelerin, sondaı-aq Komıtettiń eskertýleri týraly aqparatty usynady.
15. Salyqtyq tekserý júrgizý kezinde Komıtet salyq qyzmeti organynyń suratýy boıynsha osyndaı suratýdy alǵan kúnnen bastap kúntizbelik on kún ishinde Ádistemeniń Qaǵıdalarǵa sáıkes keletindigi týraly qorytyndy usynady.
Kepildiń jáne basqa qamtamasyz etýdiń qunyn aıqyndaý qaǵıdalaryna 1-qosymsha
Nysan
_________________________________ obekti boıynsha derekter kartochkasy
(obektiniń ataýy)
Kartochkany toltyrý bastalǵan kúni _____________
Kartochkany toltyrý aıaqtalǵan kúni _______________
r/s
№ Kúni Obekti-niń quny Obektini qaıta baǵalaý Kepildik qamtamasyz etý qunyn aıqyndaý ádisi (ádistemeniń tarmaǵy kórsetilsin) Qoldanylatyn túzetýdiń mólsheri Obektiniń qunyn aıqyndaý
kezinde paıdalanylǵan negizgi joramaldar
(ádistemeniń tarmaǵy kórsetilsin) Kartochkany toltyrý úshin jaýapty tulǵanyń aty-jóni, qoly
Obektiniń paıdalanylatyn quny (baǵalaýshy nemese ózi belgilegen) Baǵalaý týraly eseptiń jáne Obektiniń qunyn aıqyndaý týraly eseptiń №
1 2 3 4 5 6 7
Kepil nemese qamtamasyz etý shartynda kórsetilgen kúni
Keıingi qaıta baǵalaý kúni (t1)
Keıingi qaıta baǵalaý kúni (t2)
………
Kepildiń jáne basqa qamtamasyz etýdiń qunyn aıqyndaý
qaǵıdalaryna 2-qosymsha
Nysan
Ádistemege engizilgen ózgerister jáne (nemese)
tolyqtyrýlar týraly aqparat
№
Ádistemeniń tarmaǵy, tarmaqshasy О́zgerister jáne (nemese) tolyqtyrýlar engizýge deıingi redaksııa О́zgerister jáne (nemese) tolyqtyrýlar engizgennen keıingi redaksııa О́zgerister jáne (nemese) tolyqtyrýlar engizý qajettiliginiń negizdemesi
(túsiniktemeler)1 Engiziletin ózgerister jáne (nemese) tolyqtyrýlar nátıjesinde obekt qunynyń ózgerýin eseptik baǵalaý2
1 2 3 4 5 6
1
2
…
n
______________________________________________
qarjylyq uıym basshysynyń ne onyń ornyndaǵy adamnyń laýazymy, aty-jóni, qoly
––––––––––––––
1Engiziletin ózgerister men (nemese) tolyqtyrýlar nátıjesinde provızııa mólsheriniń ózgerýin esepteý baǵasy bekitken ózgerister men (nemese) tolyqtyrýlar engizý qajettiligine negizdeme usynylady
2Qunyn esepteý engiziletin ózgerister men tolyqtyrýlarǵa baılanysty ózgeretin barlyq obektiler boıynsha aqparat usynylady.
Kepildiń jáne basqa qamtamasyz etýdiń qunyn aıqyndaý qaǵıdalaryna 3-qosymsha
Nysan
Ádistemege eskertýlerdiń joq nemese bar ekendigi týraly habarlama
20__jylǵy «___» ________ № ________
Qazaqstan Respýblıkasy Ulttyq Bankiniń Qarjy naryǵyn jáne qarjy uıymdaryn baqylaý men qadaǵalaý komıteti Sizderge
____________________________________________________________________
(uıymnyń ataýy)
___________________________________________________________________
(uıymnyń mekenjaıy)
Ádistemege eskertýleriniń joq ekendigi týraly
Ádistemege tómende keltirilgen kestege sáıkes eskertýleriniń bar ekendigi týraly
__________________________________________________________________
(keregin belgileńiz)
habarlaıdy
r/s
№ Jobanyń qurylymdyq elementi Jobanyń redaksııasy Eskertý Túzetý merzimi
1.
2.
…
Komıtettiń basshysy _______________________________________________
(aty-jóni, qoly)
Oryndaýshy ______________________________
(aty-jóni, qoly, telefon)
Habarlamany alǵan_______________________________________________
(uıym qyzmetkeriniń aty-jóni, qoly kúni)
Habarlama salyq tóleýshige jiberildi
____________________________________________________________________
(jiberý jáne (nemese) alý faktisin rastaıtyn qujattyń ataýy, kúni, nómiri)
Buıryq Qazaqstan Respýblıkasynyń Ádilet mınıstrliginde 2013 jylǵy 28 tamyzda Normatıvtik quqyqtyq kesimderdi memlekettik tirkeýdiń tizilimine №8682 bolyp engizildi.
