24-29 tamyz aralyǵynda bilim berý uıymdarynyń barlyq pedagogteri "Nazarbaev zııatkerlik mektepteri", "Pedagogıkalyq sheberlik ortalyǵy" ázirlegen "Qashyqtan oqytýdy úırenemin" onlaın-kýrsynda bilim alady. Bul týraly búgin brıfıngte qalalyq bilim basqarmasynyń basshysy Sholpan Qadyrova habarlady.
"Kýrs bes modýlden turady: qashyqtan oqytý erekshelikteri, oqýǵa tartý, aqparattyq-tehnıkalyq quraldary, kásibı yntymaqtastyq, ata-analardy pedagogıkalyq qoldaý. Kýrs uzaqtyǵy – 40 akademııalyq saǵat, ótkizý formaty – asınhrondy. Bul tyńdaýshylarǵa óz betinshe ótý ýaqyty men qarqynyn tańdaýǵa múmkindik beredi. Kýrstar «Stepik» bilim berý platformasynda ótedi", – dedi Sh.Qadyrova.
Onlaın-kýrstyń árbir taqyryby muǵalimderdiń óz betinshe zerdeleýi úshin ózekti materıaldar men resýrstardy qamtıdy. Pedagogter kýrstarda qashyqtan oqytýdyń erekshelikteri men túrlerin zerttep, onlaın-sabaqtardyń oqý úderisin josparlaýdy, oqý jetistikterin baǵalaýdy uıymdastyrýdy úırenedi.
Sonymen qatar Nur-Sultan qalasynyń bilim berýdi jańǵyrtý ortalyǵy tamyz aıynyń 1 jáne 2-shi aptasynda "Sıfrlyq pedagogıka: oqytý jáne tájirıbe" taqyrybynda onlaın-oqytý uıymdastyrýdy josparlap otyr. Onlaın oqytý kezinde 12 480 (100%) pedagog qamtylady, onyń ishinde mektepke deıingi bilim berý pedagogteri – 2562, jalpy bilim berý mektepteri – 9036, TjKB muǵalimderi – 882. "Maıkrosoft" kompanııasynyń birinshi jáne jalǵyz avtorızasııalanǵan seriktesi Knowledge Engineering kompanııasymen birge, platforma múmkindikterin tıimdi paıdalaný boıynsha bilim berý uıymdarynyń 5987 (47%) pedagogine vebınar ótkiziledi.
Vebınar "Bilim berýge arnalǵan ınteraktıvti quraldar. Muǵalim bilýi tıis tehnologııalar" degen baǵdarlamalyq modýl boıynsha ótedi. Pedagogter 4 toqsannan bastap qazirgi ýaqytqa deıin, Academia.kz pedagogıkalyq sheberliktiń vırtýaldy zerthanasynda bilim jetildirýde. Vırtýaldy zerthanada pedagogıka, psıhologııa, aqparattyq-kommýnıkasııalyq tehnologııalar jáne t.b. máseleler boıynsha eń ózekti onlaın-kýrstar toptamasy usynylǵan.
Jaratylystaný-matematıkalyq baǵyttaǵy bilim berý mektepteriniń pedagogterin qoldaý maqsatynda "Muǵalimderdiń onlaın Akademııasy" jobasy iske asýda. Qalanyń tájirıbeli muǵalimderi pedagogter úshin mektepishilik kýrstar ótkizý arqyly ádistemelik kómek kórsetýde (maqsatty toptar quryldy). Sondaı-aq úzdik pedagogterdiń tájirıbesin jınaqtaý arqyly jańa ádistemesi bar pedagog-zertteýshiler men pedagog-sheberler zerthanasyn qurý josparlanǵan. Bilim berýdi jańǵyrtý ortalyǵy "Astanalyq elektrondy mektep" elektrondy platformasyn ázirleýde, onda qysqa merzimdi sabaq josparlary, beıne sabaqtar men sabaqtar, bilim berý sıfrlyq resýrstary ornalastyrylatyn bolady.
Bilim berýdiń barlyq deńgeılerindegi pedagogter úshin osy platformaǵa erkin kirý múmkindigi qarastyrylǵan. Maýsym aıynan bastap yardstream arqyly júzege asatyn "Pedagogıkalyq tájirıbe alańy" ashyq jumys isteıdi. Bilim berýdiń barlyq deńgeılerindegi pedagogter áleýmettik jeliler men ıýtýb arnasy arqyly kez kelgen ýaqytta elordalyq muǵalimderdiń tájirıbesimen tanysa alady.
