Qoǵam • 21 Shilde, 2020

«Samuryq-Qazyna» indetpen kúreske kómek kórsetýde

6 ret kórsetildi

Pandemııaǵa baılanysty álemde qalyptasqan jaǵdaı kún ótken saıyn kúrdelenip barady. Dál osyndaı bolashaq qadamdarymyzdyń sheshýshi kezeńinde «Samuryq-Qazyna» ulttyq ál-aýqat qory el azamattaryna shuǵyl medısınalyq kómek kórsetý maqsatynda 100 jedel járdem kóligin, 50 ókpeni jasandy jeldetý apparatyn, 500 ottegi konsentratyn jáne 1000 pýlsoksımetr satyp alyp, Densaýlyq saqtaý mınıstrligine tapsyrýdy bastady. Qazir tapshy bolyp turǵan kómektiń bul túrleri Densaýlyq saqtaý mınıstrligimen kelisile otyryp tańdalǵan.

Keshe «Samuryq-Qazyna» Qory men Densaýlyq saqtaý mınıstrligi arasynda yntymaqtastyq týraly memorandýmǵa qol qoıyldy. Qol qoıý rásimine Qordyń basqarma tóraǵasy Ahmetjan Esimov pen Qazaqstan Respýblıkasynyń Den­saýlyq saqtaý mınıstri Alekseı Soı qatysty.

– Bul sharalardyń barlyǵyn el Prezıdenti Toqaev Qasym-Jomart Kemeluly qoldady. О́z­derińiz biletindeı, jaqynda Elbasymen kezdesý ótip, onda ol Qordyń ishki qorynan Nur-Sultan jáne Almaty qalalarynda eki medısınalyq ortalyq salýǵa qarajat bólýdi tapsyrdy. Bul ortalyqtar halyqqa medısınalyq qyzmet kórsetý úshin ǵana emes, sonymen qatar ǵylymı-zertteý áleýetin shoǵyrlandyrýǵa arnalatyn bolady. Atalǵan jumysty biz bastadyq, qarajatty rezervke saldyq, – degen Ahmetjan Esimov indetpen kúreste yntymaqta bolý­ǵa shaqyrdy.

Qordyń basqarma tóraǵasynyń aıtýynsha, «Samuryq-Qazyna» qory «Reseı tikeleı ınvestısııalar qory» AQ basqarýshy kompanııasynan vırýsqa qarsy qoldanylatyn «Avıfavır» dárisin satyp alyp, 3 myń dári-dármektiń alǵashqy partııasyn elimizdiń Densaýlyq saqtaý mınıstrligine tapsyrdy. «Avıfavır» – bul klınıkalyq zertteýlerde tıimdi ekendigi dáleldengen, álemdegi koronavırýsqa qarsy eki dáriniń biri.

Sóz sońynda qor basshysy Densaýlyq saqtaý mınıstrliginen medısına ortalyqtary boıyn­sha tehnıkalyq tapsyrma alý­dy tezdetýdi, al atalǵan qala­lar­dyń ákimderinen tıisti kommýnıkasııalary bar jer ýchas­­­kelerin bólýdi surady. Son­daı-aq Ahmetjan Esimov «Reseı tike­leı ınvestısııalar qorynyń Basqarýshy kompanııasy» AQ-men onlaın-konferensııa barysynda kompanııa basshysy Kırıll Dmıtrıevke alǵys aıtty.

– Densaýlyq saqtaý mı­nıstr­ligi atynan Qordyń kór­setken korporatıvtik áleý­mettik jaýapkershiligine jáne juqpaly aýrýlardyń, onyń ishinde koro­navırýstyń órshýine qarsy kú­reste ulttyq densaýlyq saqtaý júıe­sin nyǵaıtýǵa yqpal etkenine alǵys bildiremiz. Memorandým qazirgi epıdemıologııalyq qaýip-qater­lerge der kezinde qa­jetti sharalar qabyldaýǵa múmkindik beretinine senimdimin, – dedi Alekseı Soı.

Tótennen kelgen indettiń qar­qyny elimizdiń densaýlyq saq­taý júıesine aýyrtpalyq tú­si­rip turǵan shaqta «Samuryq-Qazy­na» qory tótenshe jaǵdaıdyń al­ǵashqy kúninen bastap kúreske bel­sendi qatysyp keledi. Qazaq­stannyń Tuńǵysh Prezıdenti «Samuryq-Qazyna» aksıonerlik qoǵa­mynyń koronavırýs pandemııasyna qarsy kúreske baryn­sha atsalysýy qajettigin atap ótken bolatyn. Osy oraıda Qor Nur-Sultan jáne Almaty qalalarynda ınfeksııalyq aýrýlardyń aldyn alý jáne baqylaý boıynsha eki klınıka qurylysyn qar­jy­lan­dyratyn bolady. Indetpen kúrestiń nátıjeli bolýyna úles qosyp kele jatqan Qor naýryz aıynda 6 mln qorǵaý maskalaryn satyp alýdy qarjylandyrdy, sondaı-aq ekonomıkanyń ós­ýin nyǵaıtý, otandyq taýar ón­dirýshilerdi qol­daý jáne den­saýlyq saqtaý salasyn damytý boıynsha birqatar keshendi sharalar qabyldady.

 

Sońǵy jańalyqtar

Uqsas jańalyqtar