Aımaqtar • 21 Shilde, 2020

Almatyda jerleý baǵasyn kótergen zırat qyzmetkerleri quryqtaldy

59 ret kórsetildi

Polısııaǵa segiz adam habarlasyp, zırat jumysshylaryna qatysty resmı málimdemeler jasady. Bul týraly Polisia.kz-ke silteme jasaı otyryp Egemen.kz habarlaıdy.

Aryzdanýshylardyń aıtýynsha, olar jerleý qyzmetteri úshin qosymsha aqy tóleýge májbúr bolǵan. Sondaı-aq olardy belgilengen qunǵa qosymsha 70-ten 80 myń teńgege deıin tóleýge májbúrlegen.

IIM basshylyǵy tapsyrmasyn oryndaý maqsatynda, belgilengen mólsherden basqa, marqumnyń týystarynan qaıtys bolǵan adamdardy jerleý qyzmeti úshin qosymsha qarajat alýdyń zańsyz áreketterin boldyrmaý úshin arnaıy tergeý-jedel toptary quryldy.

Túbirtekter berilmegen, aqshany zırat kásipornynyń qyzmetkerleri zańsyz paıdalanǵan. Jaqyn adamdarynan aıyrylyp, qaıǵy-qasiretti bastan keshirgender tek materıaldyq qana emes, moraldyq turǵyda da zardap shekti.

Qabyldanǵan sharalar nátıjesinde polısııa qyzmetkerleri óz is-áreketterin moıyndaǵan eki azamatty anyqtap, qamaýǵa aldy. Qazirgi ýaqytta jábirlenýshiler men kúdiktilerdiń qatysýymen qajetti tergeý sharalary júrgizilýde. Árbir kináli adamnyń is-áreketine jeke quqyqtyq baǵa beriledi. Sonymen qatar jerleý rásiminde zańsyz bopsalaýdyń aldyn alý úshin basqa jerleý oryndary da tekseriledi.


Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar