Qoǵam • 21 Shilde, 2020

Paraolımpıadalyq sportshy halyqaralyq syıaqyǵa úmitker

29 ret kórsetildi

Qazaqstandyq paraolımpıadalyq sportshy Álııa Raeva aıtarlyqtaı jetistikterge qol jetkizgeni jáne qoǵamnyń damýyna zor úles qosqany úshin German Gmaınerdiń halyqaralyq syıaqysyna taǵaıyndalyp, sońǵy daýys berý kezeńine ótti, dep habarlaıdy Egemen.kz

Jeńimpaz jınaǵan daýys sanyna baılanysty belgilenedi. Dál qazir Álııa ekinshi oryndy ıelenýde, onyń jeńiske jetýi úshin kelesi silteme arqyly áli de daýys berýge bolady: 

https://www.sos-childrensvillages.org/who-we-are/hermann-gmeiner-award/2020-hermann-gmeiner-award

Álııa SOS Almaty Balalar qalashyǵynyń tárbıelenýshisi. Dúnıege kelgen boıda Álııaǵa balalardaǵy serebraldy sal dıagnozy qoıylyp, sonyń saldarynan boıjetken shaǵynda birneshe kúrdeli ota jasaldy. Dárigerler Álııa júre almaıdy degen sheshim shyǵardy.

Alaıda jaqyndarynyń qoldaýymen, óziniń erik kúshiniń, jigeriniń arqasynda Álııa qorqynyshty aýrýdy jeńip shyqty. Aıaǵyna turyp, tolyqqandy bilim alyp, ómirlik serigin kezdestirip, otbasyn qurdy. Súıikti jumysyna adal, maqsattaryna berik jan. Qazirgi tańda qoǵamdyq qorda qyzmet atqaryp, qıyn jaǵdaıǵa tap bolǵan adamdarǵa óz-ózine degen senimin qaıtarýǵa kómektesýde.

Álııanyń ómir hıqaıasy syıaqy uıymdastyrýshylaryńyń kóńilinen shyǵyp, búkil álemnen qatysqan 200 úmitkerdiń arasynan iriktelip, fınalǵa ótip, 8 fınaldyq qatysýshylar sanyna ilindi. Daýys berý 23 shildege deıin jalǵasady. Álııa jeńgen jaǵdaıda Qazaqstan men TMD elderiniń tarıhyndaǵy atalǵan syıaqyny utyp alǵan alǵashqy úmitker atanady.  

German Gmaınerdyń syıaqysy – SOS Balalar qalashyqtarynyń belgili jetistikterge qol jetkizip, basqalarǵa (sport, shyǵarmashylyq, kásiptik tarapynan) úlgi bola alatyn tárbıelenýshilerine taǵaıyndalady. Syıaqy eki jylda bir ret eń kóp daýys jınaǵan áıel jáne er adamǵa beriledi.

SOS Balalar aýyldary – jetim jáne ata-anasynyń qamqorlyǵynan aıyrylǵan balalardy uzaq merzimde otbasy modelinde tárbıe berýmen aınalysady. Alǵashqy SOS Balalar aýyly  1949 jyly  Imst qalasynda (Avstrııada) German Gmaıner avstrııalyq pedagogtyń bastaýymen ashylǵan. Búgin SOS Balalar aýyldary álemniń 136 elinde myńdaǵan balalarǵa súıispenshilik pen qamqor ortada ósýge múmkindik berip keledi. Qazaqstanda SOS Balalar aýyldary 1994 jyldan beri Almaty, Nur-Sultan jáne Temirtaý qalalarynda jumys atqaryp jatyr.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar