Aımaqtar • 22 Shilde, 2020

Almatyda ózin óltirmek bolǵan mas turǵyndy polıseıler der kezinde qutqardy

31 ret kórsetildi

"Bul erlik emes, bul bizdiń jumysymyzdyń bir bóligi ǵana": polısııa sekirmek bolǵan adamdy kópirden túsirip aldy. Bul týraly polisia.kz  habarlaıdy, dep jazady Egemen.kz


Aınabulaq yqsham aýdanynda qyzmet etip júrgen kezde tergeýshi Eljas Kallımýlanov, ýchaskelik polısııa ınspektory Eldos Qudaıbergen jáne patrýldik polısııa qyzmetkeri Bekjan Ámirtaevtan turatyn "Foton-6" túngi izdeý tobynyń brıgadasyna Soltústik sheńber, "Iаlıan" bazaryna qarama-qarsy, 40-44 jastaǵy belgisiz er adam kópirdiń shetinde otyrǵandyǵy jáne tómenge sekirgisi keletindigi, osylaısha óz-ózine qol jumsamaq bolyp turǵandyǵy jaıly habar keldi.

Oqıǵa ornyna jedel jetken polısııa qyzmetkerleri habarlamany rastady. Olar dereý er adammen sóılese bastady, ony osy oıynan aınytýǵa tyrysty.

Áńgime barysynda óz-ózine qol jumsaǵysy kelgen adamnyń sózinen onyń mas ekendigi belgili boldy.

– Men jaǵdaıdyń ózgerip jatqanyn jáne bizdiń batyl áreket etýimiz kerek ekendigin túsindim. Biz birden "B" josparyna kóshtik. Áriptesimiz, polıseı Qudaıbergen onymen sóılesip jatqan kezde, polıseı Ámirtaev ekeýmiz kópirge ár túrli jaǵynan kóterilip, er adamǵa baıqatpaı jaqyndaı bastadyq. Ol kópirdiń artynda turyp, "Býran-168" patrýldik ekıpajyndaǵy áriptesimizge maskúnemdikpen óz renishin aıqaılap aıta bastady. Meniń buıryǵym boıynsha Bekjan jaqyndaı tústi de, bir sátte er adamǵa umtyldy. Ol eshteńeni ańǵaryp úlgermedi, sodan keıin men ekinshi qolyn ustap, ony qaýipsiz jerge kóterdim, – dedi Bostandyq aýdandyq PB OKP-nyń jedel ýákili Eljas Kallımýlanov.

Polısııanyń ózderi atap ótkendeı, olar bul áreketti erlik dep sanamaıdy, bul olardyń jumysynyń bir bóligi ǵana.

– Qyzmette kez kelgen jaǵdaı bolýy múmkin, keıbireýi ózderin óltiremin dep qorqytady, nashaqorlar bizdi kórgende terezege shyǵady… Aldymen biz qutqarýymyz kerek, sodan keıin zalalsyzdandyrýymyz kerek, – dedi polıseı Kallımýlanov.

Eske salaıyq, osy jyldyń 20 shildesinde Instagram jelisinde ótip bara jatqan kóliktiń júrgizýshisi ózin asyp óltirdi dep oılap, kópirge ilýli turǵan adamdy túsirgen vıdeo jarııalaǵan bolatyn. Sol sátte polısııa adamdy negizsiz áreketten qutqarý úshin sharalar qabyldaǵan bolatyn.

Sońǵy jańalyqtar

Uqsas jańalyqtar