Bul qala ákimdigi jáne iri dárihanalardy dári-dármekpen qamtamasyz etetin kóterme saýda mekemeleriniń Shymkent jáne Almaty qalalaryndaǵy dári-dármek óndirýshi kásipkerlermen qajetti ónimderdi ýaqytyly jetkizý jónindegi jasaǵan kelisimi negizinde júzege asyrylyp otyr.
Qalamyzdaǵy dári tapshylyǵyn boldyrmaý maqsatynda jasalǵan kelisim negizinde aımaq ortalyǵyndaǵy suranys bildirgen 30 dárihanaǵa aptasyna 3 márte farmasevtıkalyq ónimder jetkizilýde. Onyń ishinde eýfýllın, deksametazon, leovıt, S vıtamıni, glıýkoza, sefazalın men basqa da dene qyzýyn túsiretin dárilik preparattar bar.
Jumysshy top qala aýmaǵynda ornalasqan dárihanalarda dári tapshylyǵyn joıý maqsatynda kúndelikti aralaıdy. Árbir dárihanada qandaı qajettilikter bar ekenin anyqtap, preparattardyń ýaqytyly jetkizilýin baqylaýda ustaıdy.
Arnaıy mobıldi top aldaǵy ýaqytta da qala aýmaǵyndaǵy dárihanalardyń qyzmetine monıtorıng jumysyn jalǵastyratyn bolady.
