Májilis Tóraǵasy Nurlan Nyǵmatýlın bastaǵan qazaqstandyq parlamenttik delegasııa qazan aıynyń 14-17-si aralyǵynda Qytaı Halyq Respýblıkasynda boldy.
Májilis depýtattary Halyq ókilderi Búkilqytaılyq jınalysyndaǵy ózderiniń áriptesterimen kezdesip, óńirlerge atbasyn tiredi. Qazaqstan men Qytaı – strategııalyq áriptester jáne tatý kórshiler. Dıplomatııalyq qarym-qatynas ornaǵan 21 jyldyń ishinde ózara yqpaldastyq qarqyndy ári jemisti damyp keledi.
Eki el kóshbasshylarynyń kezdesýleri qos memlekettiń kópjaqty áriptestigin yntymaqtastyqtyń joǵary deńgeıine jetkizdi.
Májilis Tóraǵasy Nurlan Nyǵmatýlın bastaǵan qazaqstandyq parlamenttik delegasııa qazan aıynyń 14-17-si aralyǵynda Qytaı Halyq Respýblıkasynda boldy.
Májilis depýtattary Halyq ókilderi Búkilqytaılyq jınalysyndaǵy ózderiniń áriptesterimen kezdesip, óńirlerge atbasyn tiredi. Qazaqstan men Qytaı – strategııalyq áriptester jáne tatý kórshiler. Dıplomatııalyq qarym-qatynas ornaǵan 21 jyldyń ishinde ózara yqpaldastyq qarqyndy ári jemisti damyp keledi.
Eki el kóshbasshylarynyń kezdesýleri qos memlekettiń kópjaqty áriptestigin yntymaqtastyqtyń joǵary deńgeıine jetkizdi.
Memleketaralyq baılanysty nyǵaıtýda bizdiń memleketterimizdiń zań shyǵarýshy organdarynyń da yqpaly zor.
Májilis Tóraǵasy Nurlan Nyǵmatýlın men Halyq ókilderi Búkilqytaılyq jınalysy Turaqty komıtetiniń tóraǵasy Chjan Deszıan aldaǵy ózara is-qımyldyń ózekti máselelerin talqylady.
Taraptar Qazaqstan-Qytaı áriptestik deńgeıin joǵary baǵalady. Osy jolda memleket kóshbasshylarynyń qol jetkizgen kelisimderi ózara túsinistik pen tatý kórshilik jaǵdaıynda qarqyndy jáne syndarly damý jolyna túsken memleketaralyq qarym-qatynastyń jarqyn úlgisine aınalǵandyǵyna basa nazar aýdaryldy.
Nurlan Nyǵmatýlın men Chjan Deszıan Qazaqstan Prezıdenti Nursultan Nazarbaev pen QHR Tóraǵasy Sı Szınpınniń uzaq merzimdi qujattarynda kórsetilgen maqsattardy zańnamalyq qamtamasyz etý baǵytynda parlamentter aldynda úlken mindetter turǵanyn atap ótti.
Qazaqstandyq jáne qytaılyq parlamentshilerdiń aldaǵy birlesken áreketke baılanysty josparlary zor.
Oǵan Qazaqstan Parlamenti Májilisi men Halyq ókilderi Búkilqytaılyq jınalysy arasynda qol qoıylǵan memorandým mysal bola alady.
– Qytaıda ótken barlyq kezdesýler Elbasymyz Nursultan Ábishuly Nazarbaevtyń halyqaralyq bedeli óte joǵary ekenin kórsetti. Bul jerde Prezıdentimizdiń barlyq bastamalaryn Qytaı Respýblıkasynyń Parlamenti de, Úkimet músheleri de, qarapaıym halyq ta óte jaqsy biledi. Ol eki eldiń parlamentaralyq baılanysyn nyǵaıtýǵa da erekshe serpin beretini sózsiz. Sondyqtan bizdiń parlamentterimiz arasynda arnaıy kelisimge qol qoıyldy. Bul qujat Elbasynyń jáne Qytaı Tóraǵasynyń strategııalyq kelisimderin zań jaǵynan qoldaýǵa da yqpal etedi dep senemiz, – dep atap ótti Nurlan Nyǵmatýlın.
Bul qol qoıylǵan kelisimniń maqsaty – aýqymdy máseleler boıynsha áriptestik jónindegi toptar men parlamenttiń salalyq komıtetteri arasynda zań shyǵarmashylyq jumystar boıynsha tájirıbe almasý. Sonymen qatar, halyqaralyq parlamenttik uıymdar aıasynda ózara qoldaý kórsetý.
Halyq ókilderi Búkilqytaılyq jınalysy Turaqty komıtetiniń tóraǵasy Chjan Deszıan da eki memleket basshylarynyń kelisimderin tabysty júzege asyrý úshin parlamentaralyq qatynasty nyǵaıtýdyń mańyzy zor ekenin atap ótti.
Kelissózder qorytyndysy boıynsha qazaqstandyq tarap tıimdi únqatysý alańy retinde áriptestik jónindegi parlamentaralyq komıssııa qurýdy usyndy.
Birlesken parlamenttik komıssııa jıyny kelesi jyly Astanada ótedi dep josparlanǵan.
Májilis depýtattary Sıan qalasynda bolyp, Shensı provınsııasyndaǵy Halyq ókilderi jınalysynyń tóraǵasy – partııa komıtetiniń hatshysy Chjao Chjenıýnmen kezdesti.
Qazaqstandyq ókilder provınsııanyń áleýmettik-ekonomıkalyq damýymen, ortalyqtyń aımaqtarmen ózara baılanysymen, ókiletti organdar bıliginiń aımaqtardyń qyzmetine qatysty máselelerimen de tanysty.
Nurlan Nyǵmatýlın Chjao Chjenıýnmen bolǵan áńgime barysynda bizdiń elderdi strategııalyq áriptestik qatynastar baılanystyryp turǵan tatý kórshi retinde atap ótti. 1700 shaqyrymnan asatyn ortaq shekara Qazaqstannyń shyǵys aımaqtary men Qytaıdyń batys aımaqtaryn qamtyp, yntymaqtastyq pen dostyqtyń aıshyqty belgisine aınalyp otyr. Taýar aınalymynyń jartysyna jýyǵy shekaraaralyq yntymaqtastyqtyń arqasynda júzege asyrylyp jatyr.
Sonymen birge, Májilis Tóraǵasy Qazaqstan-Qytaı parlamentshileriniń basty maqsattarynyń biri baılanysty nyǵaıtyp, shekaralyq aımaqtardyń jan-jaqty yntymaqtastyǵyn qoldap, zańnamalyq jaǵynan qamtamasyz etý ekenin jetkizdi.
Taraptar aımaqtardy damytý boıynsha reformalardy zań júzinde qamtamasyz etý tájirıbelerimen almasty.
Shensı provınsııasynda Qazaqstan delegasııasyna erekshe ári óte baǵaly syılyq tabys etildi. Ol jergilikti sýretshi bambýk qaǵazynan jasaǵan Elbasy Nursultan Nazarbaevtyń sýreti.
Chjen Fýlın qytaılyqtarǵa keńinen tanymal. Ol Aspanasty elinde erekshe qurmetteletin memleket basshylarynyń sýretterin salýmen aınalysady.
– Men sizderdiń Prezıdentterińizdi moıyndalǵan Kóshbasshy retinde óte qatty syılaımyn. Osy tereń qurmetimniń belgisi retinde onyń sýretin saldym. Qazirgi ýaqytta Qazaqstandy jáne onyń qııalǵa bergisiz Astanasyn kórýdi armandaımyn, – deıdi sýretshi.
Qytaı sýretshisiniń qolynan shyqqan Qazaqstan Prezıdentiniń sýreti Qazaqstan men Qytaı halyqtary dostyǵynyń naqty kórinisi bolyp tabylady.
Sáýlebek BIRJAN.
