Almatyda ótip jatqan bokstan XVII álem chempıonatynyń tórtinshi kúni márege jetti. Keshe keshke saıystyń 1/32 fınaldyq irikteý kezeńi aıaqtaldy. Búgin 1/16 fınaldyń alǵashqy aıqastary kerýen keredi. Onda 52, 64 jáne 91 kıloǵa deıingiler kúsh synasady.
Chempıonattyń úshinshi kúngi, 16 qazandaǵy shymyldyǵyn 49 kıloǵa deıingi reseılik Belık Galanov pen ýkraınalyq Vadım Kýdrıakov ashty. Urys úsh raýnd boıyna bulardyń tájirıbesi men ataǵy kóbiniń basymdylyǵymen ótti.
Almatyda ótip jatqan bokstan XVII álem chempıonatynyń tórtinshi kúni márege jetti. Keshe keshke saıystyń 1/32 fınaldyq irikteý kezeńi aıaqtaldy. Búgin 1/16 fınaldyń alǵashqy aıqastary kerýen keredi. Onda 52, 64 jáne 91 kıloǵa deıingiler kúsh synasady.
Chempıonattyń úshinshi kúngi, 16 qazandaǵy shymyldyǵyn 49 kıloǵa deıingi reseılik Belık Galanov pen ýkraınalyq Vadım Kýdrıakov ashty. Urys úsh raýnd boıyna bulardyń tájirıbesi men ataǵy kóbiniń basymdylyǵymen ótti.Sóıtip, jeńis 2011 jylǵy Eýropa chempıonatynyń kúmis júldegeri B.Galanovqa berildi. Ol endi kelesi shaıqasyn 19 qazan kúnniń kúndizgi sessııasynda bizdiń Birjan Jaqypovpen ótkizedi. Bul kúngi kúndizgi sessııada 69 kıloǵa deıingi shotland Lıýs Benson men Bagam araldarynan kelgen Karl Hıeldtiń jekpe-jegi qorytyndysynda Danııar Eleýsinovtiń 20 qazanda bolatyn birinshi kezdesýindegi qarsylasy anyqtaldy. Oǵan tóreshiler aral-memlekettiń boksshysyn laıyqty dep tapty. Al 81 kılolyq Ádilbek Nııazymbetov osy kúni fın Velle Hýkkonenge qarsy shyǵatyn boldy. Buǵan Sýomı jigiti nepaldyq Dıpak Maharjandy utýy arqyly qol jetkizdi.
Eger B.Jaqypov reseılik býrıat jigitinen aıdynyn asyra alsa, 8/1 fınalda ózbek Hýsanboı Dýsmatovpen kezdesýi ábden yqtımal. Sebebi, kelesi aınalymda alǵash ret rıngke kóteriletin onyń Botsvana eliniń ókilin jeńetinine pálendeı shúbá joq. Sol sııaqty D.Eleýsinovtiń de bagamdyq baqtalasyn utatynyna kúmán keltirýdiń ózi kúpirlik sııaqty. Al boljam durys shyqsa, ol budan ári japon Iаsıhıro Sýzýkı men fransııalyq Soýleman Sıssohonyń qaı utqanymen ushyrasady. Budan ári Á.Nııazymbetovtiń de keler kúnderine kóz jiberip kórsek, ol fınnen óte alsa, bolgar Radoslav Panteleev pen kosovolyq Armend Hohajdyń birimen ustasady.
Keshegi urystardyń nátıjesinde taǵy eki qazaqstandyqtyń alǵashqy qolǵap túıistiretin boksshylarynyń attary aıǵaqtaldy. Aldymen 56 kılodaǵy Qaırat Erálıevtiń birinshi básekelesi rýmyn Nıkolae Adreana bolatynyn bildik. Volh ulany bul joldamany kanadalyq taı jigiti Tapjıt Lallımen talasta tartyp aldy. Erteń, 19 qazanda ótetin osy urystan sátti ótse, Q.Erálıevti ózbek Shahrıer Isaqov kútýi múmkin. О́ıtkeni, biz ony qyrǵyz Omýrbek Malabekovten asa alady dep otyrmyz. Al 75 kılodaǵy Jánibek Álimhanulynyń synaqshysy ázerbaıjandyq avar Soltan Mıgıtınov pen ıamaıkalyq Djonatan Hansonnyń biri bolmaq. Onyń nátıjesi keshe keshki sessııada belgili boldy.
Sonymen, Qazaqstan quramasy músheleriniń urys alańyna shyǵatyn merzimderi de kelip jetti. Ony búgin Ilııas Súleımenov (52 kg), Mereı Aqshalov (64 kg) jáne Anton Pınchýk (91 kg) bastaıdy. Olar tıisinshe avtralııalyq Endrıý Meloneımen, shotland Djosh Teılomen jáne vengr Imre Sellomen ushyrasady.
«Egemen Qazaqstannyń» álem chempıonatyndaǵy kóshpeli redaksııasy.
