Ekologııalyq sıpattaǵy problemalar joǵary nazar aýdarýdy talap etedi, onyń ishinde quqyq qorǵaý organdary tarapynan da. Sondyqtan, ekologııalyq saladaǵy quqyq buzýshylyqtar men qylmystardyń aldyn alý maqsatynda Pavlodar oblysynyń tabıǵatty qorǵaý polıseıleri profılaktıkalyq jumysty udaıy júrgizýde.
Ekologııalyq quqyq buzýshylyqtardyń aldyn alý boıynsha polısııanyń negizgi mindetteriniń biri ekologııalyq quqyq buzýshylyqtardy anyqtaý, jolyn kesý jáne aldyn alý ǵana emes, sondaı-aq olardyń jasalýyna kináli adamdardy anyqtaý bolyp tabylady.
Pavlodar polıseıleri bıyl alǵashqy alty aıda 865 reıdtik is-shara ótkizip, nátıjesinde 560 tabıǵat qorǵaý zańnamasyn buzý faktilerin anyqtady.
Oblystyń 552 turǵyny ákimshilik jaýapkershilikke tartyldy, onyń ishinde – balyq aýlaý erejesin buzǵan 278 adam, ań aýlaý erejesin buzǵandar – 266. Sharbaqty aýdandyq polısııa bóliminiń qyzmetkerleri qýraǵan aǵashty zańsyz keskeni úshin Galkıno aýylynyń 36 jastaǵy turǵynyn anyqtap, ustady. Ustalǵan azamatqa qatysty ákimshilik is qozǵalyp, materıal sotqa jiberildi.
Sharbaqty aýdandyq sotynyń sheshimimen aýyl turǵyny QR ÁQBtK-niń 381baby boıynsha ákimshilik quqyq buzýshylyqty jasaǵany úshin kináli dep tanyldy. Quqyq buzýshyǵa 30 AEK mólsherinde ákimshilik aıyppul túrinde jaza taǵaıyndaldy.
Polısııa qyzmetkerleri oblys turǵyndaryn tabıǵatty qorǵaýǵa, zańnamanyń belgilengen talaptaryn buzǵany úshin ákimshilik qana emes, qylmystyq jaýapkershilik de qarastyrylatynyn este saqtaýǵa shaqyrady.
