Týrızm • 24 Shilde, 2020

Úmit otyn úrleıdi

28 ret kórsetildi

Jaman tumaý jalpaq álemdi jabyrqatyp turǵanymen, Aqmola oblysynyń týrızm salasy ishki týrızmnen úmitti. At izin salǵan adamǵa Aınakól til jetpeıtin tilek aıtyp, Býrabaı baýyryndaǵy bar qadirlisin saılaýda.

Qazirgi tańda óńirdegi bar­lyq týrıstik nysandar beki­til­gen talaptarǵa saı qyzmet at­qa­­rýǵa daıyn. О́ńirlik týrızm bas­qarmasynyń basshysy Ýálı­han Ǵabdýllınniń aıtýyna qa­ra­ǵanda, demalys nysandary jazǵy maýsymǵa tas-túıin da­­­ı­yn­dyqpen keldi. Keıbir sarapshylar týrızmnen túsetin tabys bıyl edáýir azaıady degenmen, basqarmanyń mamandary ótken jyldan kem bolmaıdy degen úmitti boljam aı­týda. Al ótken jyly bul kór­setkish 1 mıllıon 300 myńnan asqan bolatyn.

– Barlyq nysandardyń ázir­ligi saraptalyp, tıisti aktiler tol­tyryldy. Shekara jabyq bol­ǵanymen, úmitimiz ishki týrızmde, – deıdi basqarma basshysy Ýálıhan Ǵabdýllın.

Bıznes ókilderi ótken eki aıda­ǵy shyǵyn­daryn eseptep, endi so­ny óteý jolda­ryn izdestirýde. Al týrıs­ter bolsa ǵalamtor jelisin shar­lap júr. Olarǵa tıimdisi ke­rek. Bul oraıda oblystyq dem­alys jáne týrızm ındýstrııa­sy qaýymdastyǵynyń tóraǵa­sy Shynarbek Batyrhanov­tyń aıtýy­na qaraǵanda, el ishi aqpa­rattyq saıttarǵa meılinshe kóp nazar aýdaryp otyrǵan. Demek, otan­dyq demalys oryndaryn ish­ki týrıstik aǵynmen meltekteı toltyrýǵa múmkindik mol. Soń­ǵy ýaqytta týrıstik bız­nes san­dyq marketıngtiń mol múm­kin­digin jańasha baǵalaı basta­ǵan. Qaýymdastyq eki aı boıy ishki múmkindik pen demalys oryn­­darynyń bar jaqsysyn jan-jaqty jarnamalaǵan eken. Ná­tı­jesi aldaǵy ýaqytta belgili bo­lady.

Bir qýanyshtysy, maýsym bas­talmaı jatyp, el adamdary demalys oryndaryna aldyn ala tapsyrys bere bastaǵan. Joǵaryda biz aıtqan ishki týrızmdegi úmittiń otyn jaǵyp turǵan da osy jaıt. Al baǵa týraly bir aýyz sóz aıtatyn bolsaq, sarapshylar bıznes qurylymdardyń shyǵyndary men naryqtaǵy aýmaly-tókpeli ózgeristerdi eskere kelip, bıylǵy jylǵy joldama 15 paıyz shamasynda qymbattaýy ábden múmkin degen boljam aıtyp otyr.

Qalaı bolǵan kúnde de ob­lys­taǵy týrızm klasteri jadyraǵan jaz aılarynda tynyǵyp, dem ala­myn degen kelýshiniń bar jaǵ­da­ıyn jasaýǵa ázir. Týrızm sala­syn­da 700-ge jýyq kásiporyn ju­mys isteıdi. Oblystyń tý­rızm­di damytý qýaty tek jaz­da ǵana emes, qaqaǵan qysta da qo­laıly jaǵdaı týǵyzýǵa ázir. Sóz arasynda taý shańǵysy baza­­syn, birneshe qyzyqty da maz­mun­dy týrızm baǵyttaryn aıta ketýge bolady. Onyń ús­ti­ne sońǵy jyldary emdeý-saýyq­­tyrý, mádenı-tanymdyq, eko­lo­gııa­lyq, buqaralyq sport­tyq jáne isker­­lik týrızm salala­ry­na basymdyq berilip otyr. 2019 jyly «Býrabaı» kýrorty – táýelsiz memleketter dos­tastyǵy sheńberinde Reseıdiń be­­deldi «Týr­Stat» basylymy­nyń zert­teýine qaraǵanda, kósh bastap tur­ǵan­dyǵy belgili bolǵan.

Halyqtyń dúmep keletin kezi sýǵa shomylý múmkindigi bar janǵa jaıly jazǵy maýsym. Ádette maýsymnan qyrkúıekke deıin jergilikti saýyqtyrý oryndary 500 myńnan astam týrısterdi qabyldap, qyzmet kórsetedi. Al saýyqtyrý oryndarynyń tar­maqtalǵan jelisi táýligine 9 myń­nan astam týrısti qabyl­daý­ǵa múmkindigi bar. Sońǵy jyl­­dary týrızmdi damytýǵa aıtar­­lyqtaı kóńil bólinýde. Bul jaı­ǵa 2019 jylǵy 31 mamyr­da Qa­zaq­stan Respýblıkasy Úki­me­tiniń Qaýlysy men týrıstik sa­lany damytýdyń 2019-2025 jyl­darǵa arnalǵan memlekettik baǵdarlamasynyń sharapaty tıip tur. Osy baǵdarlama aıasyn­da 30 shara júzege asyrylýda. Oblystyń Shýche–Býrabaı kýrort­ty aımaǵyn damytýdyń úshin­shi kezeńi sheńberinde 27 sharany júzege asyrý belgilenip, beki­tilgen bolatyn.

Jańasha serpin alǵan týrızm salasyndaǵy nysandardyń sa­ny jyl sanap, aı sanap ósip ke­ledi. Joǵaryda atalǵan joba sheń­berinde jalpy quny 100 mıllıard teńgeni quraıtyn aýmaǵy 232 gektar alań bolatyn Úlken Shabaqty men Tekekól kólderiniń arasynda «AQBURA Resort» kýrortty aımaǵynyń qurylysy júrgizilýde. Bul negizinen otbasymen demalýshylarǵa arnalǵan kýrortty aımaq. Oqyrmannyń kóz aldyna elestetý úshin sál ǵana taratyp aıtatyn bolsaq, 800 kirpııaz kóńildiń talǵamynan shyǵatyn bólmeleri bar qonaqúıler. Oǵan qosa, Býrabaı kentinde quny 6 mıllıard teńge bolatyn 14 gek­tar alańda bir negizgi joba jú­zege asyrylýda. Bul keshen jańa zamannyń úlgisi boıynsha jar­qyraı boı kóterýde. 

Kýrortty aımaqty barynsha abattandyryp, aınadaı jar­qy­ratyp qoıý úshin «Shale» biryńǵaı stıli quryldy. Tarıhy tasynda tunyp turǵan týrıstik baǵyttar tazartylyp, muntazdaı jarqyrap tur. Aınalma joldyń aıryǵyn, alańdardy rásimdeý, ortalyq alleıalardy bezendirý, «LED» ekrandaryn ornatý jumystary júrgizilýde. Úıdegi oı tolaıym jú­zege as­sa, aýasy dertke daýa, jan­ǵa shı­pa Býrabaı baýraıy jaz boıy eli­mizdiń túkpir-túkpirinen kelgen meımandarmen tolyp býyr­qanyp turmaq.

 

Aqmola oblysy

 

Sońǵy jańalyqtar

Dollar baǵamy arzandady

Ekonomıka • Búgin, 12:30

Petropavlda esirtki zerthanasy anyqtaldy

Aımaqtar • Búgin, 09:20

Qyran qanatynda qalyqtaǵan jyr

Rýhanııat • Búgin, 08:43

Sóz soıyl №105

Rýhanııat • Búgin, 08:39

Qaıyrymdy ister marafony jalǵasýda

Rýhanııat • Búgin, 08:33

Qundy qazyna ortalyǵy

Rýhanııat • Búgin, 08:15

Investısııa tartýǵa kúsh salýda

Aımaqtar • Búgin, 08:12

Talapty qyz Tálipova

Sport • Búgin, 08:10

Tarıhta turlaý bolǵan ba?

Tarıh • Búgin, 08:08

Serbııada saıysqa túsedi

Boks • Búgin, 08:06

Shúkirshilik

Rýhanııat • Búgin, 08:02

Bastamalardy qoldaý alańy

Saıasat • Búgin, 08:00

Alash topyraǵyndaǵy altyn tarıh

Eń qysqa áńgime • Búgin, 08:00

«Haılaıt» synynda bet qaratpady

Oqıǵa • Búgin, 07:59

Ahýal alańdatyp tur

Aımaqtar • Búgin, 07:52

Sábı saýdasy qashan toqtaıdy?

Qoǵam • Búgin, 07:51

Aqtóbede «jol jyry» qaıta bastaldy

Qoǵam • Búgin, 07:48

Aq jeleńdi abzal jandar

Qoǵam • Búgin, 07:47

Jarqaıyńnyń jomart jandary

Aımaqtar • Búgin, 07:40

Jappaı vaksınalaý algorıtmi jasaldy

Medısına • Búgin, 07:35

Úndistandaǵy ahýal nashar

Álem • Búgin, 07:32

Jol – memlekettiń kúretamyry

Aımaqtar • Búgin, 07:24

Til men tarıh – halyqtyń qos qanaty

Oqıǵa • Búgin, 07:17

Uqsas jańalyqtar