Jaqynda Afına qalasynda Qazaqstan-Grekııa ekonomıkalyq jáne tehnologııalyq yntymaqtastyq komıssııasynyń ekinshi otyrysy ótip, onyń jumysyna Qazaqstan Respýblıkasy Syrtqy ister mınıstriniń orynbasary A.Volkovtyń basshylyǵymen elimiz delegasııasy qatysty.
Delegasııa quramyna Qorshaǵan ortany qorǵaý, Aýyl sharýashylyǵy, Kólik jáne kommýnıkasııa, Eńbek jáne halyqty áleýmettik qorǵaý, Indýstrııa jáne jańa tehnologııalar mınıstrlikteriniń ókilderi kirdi.
Jaqynda Afına qalasynda Qazaqstan-Grekııa ekonomıkalyq jáne tehnologııalyq yntymaqtastyq komıssııasynyń ekinshi otyrysy ótip, onyń jumysyna Qazaqstan Respýblıkasy Syrtqy ister mınıstriniń orynbasary A.Volkovtyń basshylyǵymen elimiz delegasııasy qatysty.
Delegasııa quramyna Qorshaǵan ortany qorǵaý, Aýyl sharýashylyǵy, Kólik jáne kommýnıkasııa, Eńbek jáne halyqty áleýmettik qorǵaý, Indýstrııa jáne jańa tehnologııalar mınıstrlikteriniń ókilderi kirdi.
Komıssııa otyrysynyń sheńberinde taraptar isterdiń jaǵdaıy men qorshaǵan ortany qorǵaý, kólik, aýyl sharýashylyǵy, týrızm, memlekettik qyzmet, eńbek jáne áleýmettik qorǵaý, jańartylǵan energııa kózderin paıdalaný, aldaǵy EKSPO-2017 halyqaralyq kórmesine erekshe nazar aýdara otyryp, energetıka salalarynda yntymaqtastyqty nyǵaıtý múmkindikterin talqylady. Sonymen qatar, grek tarapyna yntymaqtastyqty aımaqtyq deńgeıde damytý, onyń ishinde Almaty jáne Afına arasynda neǵurlym tyǵyz baılanys ornatý máselesin qarastyrý usynyldy.
Otyrys nátıjeleri boıynsha tıisti hattamaǵa qol qoıyldy. Taraptar komıssııanyń kezekti otyrysyn Astanada ótkizýge kelisti.
Komıssııa otyrysynyń aıasynda Avtomobıldik tasymaldaý boıynsha aralas komıssııanyń bólek otyrysy ótip, tıisti hattamaǵa qol qoıyldy.
Afınada bolý sheńberinde A.Volkov Grekııa Syrtqy ister, Týrızm, Qoǵamdyq tártip pen azamattardy qorǵaý mınıstrlikteriniń basshylyǵymen, sondaı-aq el Parlamentindegi «Qazaqstan-Grekııa» dostyq tobynyń múshelerimen kezdesýler ótkizdi.
Kelissózder barysynda taraptar ekijaqty jáne kópjaqty sıpattaǵy máselelerdiń keń toptamasyn, onyń ishinde saýda, ınvestısııa, týrızm, ekijaqty kelisimshart bazasyn, bıznes-baılanystardy keńeıtý salalarynda yntymaqtastyqty damytý keleshegin talqylady, sondaı-aq BUU Qaýipsizdik Keńesiniń turaqty emes músheligine tıisinshe 2017-2018 jáne 2025-2026 jyldarǵa óz kandıdatýralaryn ózara qoldaıtynyn rastady.
Grek tarapy 2014 jyldyń birinshi jartyjyldyǵyndaǵy tóraǵalyǵy barysynda Qazaqstanǵa Eýropalyq Odaqpen yntymaqtastyqtyń máselelerin ilgeriletýge qolǵabys berýge óz ázirligin tanytty.
«Egemen-aqparat».
