Qarym-qatynastyń altyn kópiri bolý múmkindigi mol Mańǵystaýda temirjol, tasjol qurylystary órkendeýde. Bolashaqqa josparlanǵan jol salý isteri de joq emes. Oblys aýmaǵynda aıaqtalýyn el-jurt asyǵa kútip júrgen jol qurylystary bar. Bulardyń búgingi ahýaly men erteńgi baǵyt-baǵdary týraly óńirge respýblıkalyq aqparattyq-nasıhattyq topty bastap kelgen Qazaqstan Respýblıkasy Kólik jáne kommýnıkasııa mınıstri Asqar Jumaǵalıevtiń aýzynan estidik.
Qarym-qatynastyń altyn kópiri bolý múmkindigi mol Mańǵystaýda temirjol, tasjol qurylystary órkendeýde. Bolashaqqa josparlanǵan jol salý isteri de joq emes. Oblys aýmaǵynda aıaqtalýyn el-jurt asyǵa kútip júrgen jol qurylystary bar. Bulardyń búgingi ahýaly men erteńgi baǵyt-baǵdary týraly óńirge respýblıkalyq aqparattyq-nasıhattyq topty bastap kelgen Qazaqstan Respýblıkasy Kólik jáne kommýnıkasııa mınıstri Asqar Jumaǵalıevtiń aýzynan estidik.
Mınıstr Memleket basshysynyń «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýynyń negizgi baǵyttarynyń, onyń ishinde Qazaqstanda kólik ınfraqurylymyn damytý aıasynda bergen tapsyrmalarynyń júzege asýy barysyna toqtaldy.
A.Jumaǵalıevtiń aıtýynsha, Beıneý kentinen Shetpe kentine deıin júrgizilip jatqan 240 shaqyrym avtomobıl joly qurylys jumystaryn kelesi jyly aıaqtaý josparlanyp otyr, sondaı-aq 2017 jyly Jetibaı kentinen Jańaózen qalasyna deıingi avtojol ýchaskesin qaıta qurylymdaý jumysy bastalatyn bolady. Búginde qurylysy qyzý júrip jatqan «Beıneý-Shalqar» temirjoly qurylysyn boılaı tasjol salynady degen eldiń qýanyshty áńgimesi ras eken, bul eki mekenniń arasyn qosatyn jalpy uzyndyǵy 500 shaqyrymdyq avtojol qurylysy 2015 jyly bastalmaq. 120 shaqyrymy Mańǵystaý oblysynyń aýmaǵymen ótetin jol «Batys Eýropa – Batys Qytaı» halyqaralyq kólik dálizine qosylýǵa múmkindik beredi. Al «Batys Eýropa – Batys Qytaı» avtomagıstralin qurylymdaý barysynda 698 shaqyrym salynyp bitken, bul bıylǵy jylǵa josparlanǵan 806 shaqyrymnyń bir bóligi. Sonymen qatar, A.Jumaǵalıev vokzaldardyń ınfraqurylymyn damytý, olardyń qyzmet kórsetý sapasyn arttyrý jónindegi jumystarǵa toqtaldy. Bıyl Eralıev, Qorkól, 10-shy beket, Ústirt stansalaryndaǵy vokzaldardyń jóndelýi aıaqtalady dep kútilýde. Memleket basshysynyń Aqtaý teńiz portynyń qýatyn ulǵaıtý jónindegi tapsyrmasyn iske asyrý aıasyndaǵy qurǵaq júk termınaldaryn salý josparyna saı qurǵaq júk termınaldaryn salý jobasynyń tehnıkalyq-ekonomıkalyq negizdemesi bıyl qyrkúıek aıynda bekitilip, qarasha aıynda sý túbin tereńdetý jumystary bastalmaq. Telekommýnıkasııalyq jelilerdi jańǵyrtý, eldi mekenderdegi baılanysty damytý, sandyq efırlik teledıdardy engizý máselelerine toqtalǵan mınıstr aǵymdaǵy jyl sońyna deıin Mańǵystaý oblysy sandyq telehabar taratýmen 100 paıyz qamtylatyndyǵyn, 2013 jyly elimizdiń barlyq oblys ortalyqtarynda, onyń ishinde Aqtaý qalasynda 4G júıesiniń qurylysyn aıaqtaý josparlanýda ekendigin aıtty. Jurtshylyqpen kezdesýde halyqqa memlekettik qyzmet kórsetýdiń Mańǵystaý oblysyndaǵy sapasy men kólemdiligi de aıtyldy. 2013 jyldyń 9 aıynda Mańǵystaý oblysynyń HQO-lary 421 769, utqyr HQO-lary – 7 240 qujat berse, e-gov buryshtary men ózine-ózi qyzmet kórsetý aımaqtarynda 52 351 keńes berilgen. Kóktemde Aqtaýda ashylǵan arnaıy HQO bas-aıaǵy 5-6 aı ishinde 17 myń adamǵa qyzmet kórsetip úlgeripti. Ushy-qıyry joq jazyq dalada dittegen jerine jete almaı kele jatqan aqynnyń «dala jatyr aıaqtalmaı, bastalmaı» dep jyrlaǵanyndaı, Kólik jáne kommýnıkasııa mınıstri quzyryndaǵy Mańǵystaý óńirindegi bitken jáne bolashaqta bitetin isterge qarap, óńirde joldar jańaryp, baılanys jedeldeı túsedi deýge bolady.
Joldaýǵa qoldaý kórsetý barysynda Mańǵystaýǵa kelip, jurtshylyqpen júzdesip, óz salasynyń óńirde órkendeýi men aldaǵy mindetteri týraly osylardy málim etti mınıstr. Jol, baılanys salasynda serpindi jobalardy qolǵa alǵan óńirde bitken istiń de, bitetin istiń de «menmundalap» kórinip turatyny anyq. Sondyqtan, árbir jobanyń jolda qalmaı, halyq ıgiligine, el erteńine qyzmet etýi – basty paryz.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
