Bilim • 25 Shilde, 2020

Bilim kásipodaǵy Úkimetke júgindi

1429 ret kórsetildi

Bul týraly «Qazaqstandyq salalyq bilim jáne ǵylym qyzmetkerleri kásiptik odaǵy» Facebook paraqshasynda habarlady.

«Memleket basshysynyń tapsyrmasyna sáıkes bıylǵy jyldyń 1 qańtarynan bastap aldaǵy tórt jyl ishinde elimizdegi pedagogterdiń jalaqysy eki ese ósedi. Aǵymdaǵy jyldyń qańtar aıynan bastap pedagogterdiń laýazymdyq eńbekaqysy 25%-ǵa ósti, 2021 jyldyń qańtarynan bastap ósim 50%-ǵa, 2022 jyldyń qańtarynan 75%-ǵa, 2023 jyldyń qańtarynan 100%-ǵa jetýi tıis. Jalaqynyń ósýi JOO men JOO-nan keıingi bilim berý uıymdarynyń oqytýshylarynan basqa pedagogterge qatysty.

Bul jańalyq bilim berý uıymdarynda jumys isteıtin medısına qyzmetkerlerin de syrt aınalyp ótti. Olqylyqtyń ornyn toltyrý maqsatynda Salalyq bilim kásipodaǵy osy qyzmetkerlerdiń jalaqysyn kóterý týraly máseleni resmı hat arqyly 16 naýryz 2020 jyly Bilim jáne ǵylym mınıstrligine, 19 mamyr 2020 jyly Premer-Mınıstr Asqar Mamınge jetkizdi», dep jazylǵan resmı habarlamada.

Qazaqstan Úkimetiniń laýazymdyq jalaqyny kóterý týraly №1193 qaýlysy bilim berý uıymdaryndaǵy kitaphanashylarǵa qatysty bolsa da, birqatar óńirlerde osy qaýly oryndalmaı otyrǵan kórinedi. Salalyq kásipodaq osyǵan oraı da QR BǴM men Úkimetke hat joldaǵan.

«Salalyq kásipodaq bilim berý uıymdarynda jumys isteıtin kitaphanashylar men medısına qyzmetkerleriniń eńbekaqysyna qatysty máseleni QR Kásipodaqtar federasııasy aldynda da kóterdi. Jýyrda QR Kásipodaqtar federasııasy Úkimetke hat joldady. Kóterilgen máseleler ońynan sheshiletinine senim bildiremiz»,- delingen qoǵamdyq birlestiktiń habarlamasynda.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar