Ekologııa • 26 Shilde, 2020

Zańsyz qoqys oryndary týraly 376 shaǵym túsken

14 ret kórsetildi

Ekologııa mınıstrliginiń jedel jelisine alǵashqy jumys aptasynda 376 shaǵym túsken, - dep habarlaıdy Egemen.kz QazAqparatqa  silteme jasap. Bul týraly vedomstvonyń baspasóz qyzmeti málimdegen.

Zańsyz qoqys oryndary týraly habardyń basym bóligi Almaty (61) jáne Qaraǵandy ​​(41) oblystarynan, sondaı-aq Almaty qalasynan (47) túsken. Azamattardan túsken ótinishterdiń sany boıynsha "bestikke" Aqtóbe (35) jáne Shyǵys Qazaqstan (32) oblystary kiredi. 376 shaǵymnyń 269-y - stıhııalyq qoqysqa qatysty, 107-si - tolyp ketken konteınerler týraly shaǵymdar.

"23 shildedegi jaǵdaı boıynsha, ákimdiktermen birlesip, 132 polıgon joıyldy. Bul baǵyttaǵy jumys jalǵasýda. Shaǵym túskennen keıin aqparat dereý jergilikti ekologııa departamentterine, ákimdikter men ishki ister departamentteri qyzmetterine jiberiledi. Mamandar dereý tekserý ornyna baryp, sol jerde shara qoldanady. Kináliler jazalanady, sonyń ishinde aıyppul da salynady", - delingen habarlamada.

Aıta keteıik, Ekologııa mınıstrligi taıaýda jedel jelini iske qosqan edi. Onyń nómiri - +7 (775) 952-49-00. Bul nómirge WhatsApp arqyly kez kelgen qazaqstandyq óz qalasyndaǵy nemese aýylyndaǵy stıhııalyq qoqystar týraly aqparatty fotosýret pen beınetúsirilim arqyly rastaı otyryp, qoldana alady.

"Biz barlyq turǵyndardy máselege beıjaı qaramaı, jedel jelige óz aýmaǵyndaǵy stıhııalyq qoqys nemese konteınerlerdiń tolyp ketý faktileri týraly dereý habarlap, ózderińiz olarǵa eskertý jasap, polısııaǵa habarlasýdy suraımyz. Tek birlesken jaǵdaıda ǵana biz bul salany tártipke keltire alamyz", - dep atap ótti vıse-mınıstr Ahmetjan Pirimqulov.

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar