Saıasat • 27 Shilde, 2020

Polsha áıelderdi qorǵaý kelisiminen bas tartty

8 ret kórsetildi

Polsha «Ystanbul konvensııasy» dep atalatyn Eýropanyń áıelderdi qorǵaý kelisiminen shyǵatynyn habarlady. Ádilet mınıstri Zbıgnev Zebro kelisimniń paıdasyz ekenin, sonymen birge mektepterde balalarǵa jynys saýattylyǵyn oqytýdy mindetteıtinin aıtty.

Ádilet mınıstri sońǵy jyldary elde qabyldanǵan reformalardyń áıel quqyqtaryn qorǵap, zorlyq-zombylyqtyń azaıýyna septigin tıgizgenin jetkizdi. Alaıda myńdaǵan polıak áıeli bul jańalyqqa narazylyǵyn bildirip, kóshege shyqty. 

Vedomstvo basshysynyń aıtýynsha, 2015 jyly ratıfıkasııalanǵan qujattyń kúshin toqtatý prosesi búgin qolǵa alynbaq. Oǵan qosa málimdeme barysynda konvensııanyń ata-ana quqyǵyna nuqsan keltiretinin, ıdeologııaǵa da áser etetinin eskertip ótti. Bıliktegi «Zań jáne ádilet» partııasy men Katolık shirkeýi dástúrli otbasy qundylyqtaryn dáripteýdi tez arada qolǵa alatynyna sóz berdi.

 

 

Uqsas jańalyqtar