Bir qýanarlyǵy, atalǵan 50 boksshynyń ishinde qazaqstandyq bylǵary qolǵap sheberi de bar. Áýesqoı bokstan jastar arasynda álem chempıony atanǵan Sadrıddın Ahmedov reıtıngtiń 31-ornyna jaıǵasqan. Kásipqoı boksqa 2018 jyly aýysqan otandasymyz nebári eki jyldyń ishinde erekshe talantymen daralanyp, birden mamandar nazaryn ózine aýdartty. Osy ýaqyt aralyǵynda 11 jekpe-jek ótkizgen jerlesimiz 10 qarsylasyn merziminen buryn jeńgen. Sondaı-aq Ahmedov WBC nusqasy boıynsha jastar arasyndaǵy álem chempıony jáne WBC Asia belbeýiniń ıegeri.
Reıtıngtiń kóshin jeńil salmaqtaǵy IBF tujyrymynyń chempıony Teofımo Lopes bastap tur. Ekinshi orynda ekinshi orta salmaqtaǵy WBC chempıony Davıd Benavıdes bolsa, úshtikti Rıo Olımpıadasynyń kúmis júldegeri Shakýr Stıvenson túıindedi. Keıingi oryndarǵa Devın Heını (24-0, 15 KO), Raıan Garsıa (20-0, 17 KO), Haıme Mýngıa (35-0, 18 KO), Verdjıl Ortıs (15-0, 15 KO), Djaron Ennıs (25-0, 23 KO), Denıel Dıýbýa (14-0, 13 KO) jáne Erıkson Lýbın (22-1, 16 KO) jaıǵasqan.
