Qoǵam • 27 Shilde, 2020

Kóptiń kómegi kóńilge demeý

19 ret kórsetildi

Búginde álemdi ábigerge salyp otyrǵan koronavırýs indetimen kúres kezinde jambyldyq azamattar da belsendilik tanytýda. Jergilikti kásipkerlerdiń jáne ózge de qaıyrymdy jandardyń atsalysýymen qazirgi kezde Taraz qalasyndaǵy №5 emhanaǵa dári-dármekter men medısınalyq buıymdardyń iri partııasy jetkizilgen.

Onyń ishinde dene qyzýyn túsiretin dáriler, qabynýǵa qarsy dári-dár­mek­ter, antıbıotıkter jáne bir rettik shprıster bar. Jalpy quny 27 mln teń­geni quraıdy. Atalǵan medı­sınalyq buıymdar tizim­ge sáıkes oblys boıynsha kómekke muqtaj jan­dar­ǵa taratylýda.

«Oblys ákimi Berdibek Saparbaev kásipkerlermen arnaıy kezdesip, jerles­te­rimiz úshin qoldan keletin barlyq múmkindikti jasaýǵa shaqyrdy. Keıinirek ob­lys­tyq densaýlyq saq­taý basqarmasynan azamat­tar qońyraý shalyp, ınfek­sııa­lyq aýrýhana úshin ottegi tútikterin satyp alýǵa kómek­tesýimdi surady. О́zim jaqsy tanıtyn biraz kásip­kerlerge habarlasyp, osy usynysty jetkizdim. Olar meni birden qoldady. Sóı­tip bárimiz 11 konsentrator apparatyn alýǵa qarajat jınadyq», deıdi «Altaıs Grýpp» JShS bas dırektory Álimbek Jumabaev.

Budan bólek, qajetti mólsherde dári-dármek satyp alý úshin qaıyrymdy jandardyń qoldaýymen 48 mln teńgege jýyq qarajat jınalypty. Jalpy alǵan­da, jambyldyq 20 iri kom­p­­anııanyń basshylary qaýipti indetpen kúreske 70 mln teńge kóleminde qarjy bólgen.

«Taraz» áleýmettik-kásipkerlik korporasııa­sy» mekemesiniń bas­qar­ma tóraǵasy Oljas Qarjaýovtyń aıtýynsha, atalǵan korporasııa úılestirýshi retinde Shym­kent qalasyndaǵy «Zerde» medısınalyq qoımasymen zattardy jetkizip berý boıynsha kelissóz júrgizgen. Sondaı-aq olar taýar­lar­dy tasymaldaýdy ba­rynsha qamtamasyz etip­­ti. Jambyldyq kásip­ker­ler men qoǵam belsendileriniń, jalpy qa­ıyrymdy jandardyń je­del jumylyp, júıeli áreket etýiniń nátıjesinde kóp­tegen naýqastyń la­ıyq­ty deńgeıde em alýyna jaǵdaı jasalyp otyr. Bul oraıda Jambyl oblysy ákiminiń birinshi orynbasary Bekbolat Oryn­be­kov qaýipti indetpen kú­reste kúsh biriktirýdiń mańyz­dy­ly­ǵyn aıta kelip, kóptiń kómegi talaıdyń kóńiline demeý bolyp otyrǵanyn jetkizdi.

 

Jambyl oblysy

 

Sońǵy jańalyqtar

«Ýkaznoı molda»: Ol kim?

Rýhanııat • Búgin, 22:45

Qylań

Tanym • Búgin, 22:27

Ekpe saldyrýshylar sany artyp keledi

Aımaqtar • Búgin, 22:20

Saýran aýdanyna alǵashqy ákim taǵaıyndaldy

Taǵaıyndaý • Búgin, 15:52

Atyraý oblysynda 37 jańa mektep salynady

Aımaqtar • Búgin, 15:27

Jalaqysy kóp óńirler anyqtaldy

Qarjy • Búgin, 14:30

Veterınarlar qartaıyp barady

Qazaqstan • Búgin, 12:10

Uqsas jańalyqtar