Álem • 27 Shilde, 2020

COVID-19: Klıent betin tumshalamasa, bıznes aıyp tartady

38 ret kórsetildi

Italııanyń Kampanııa aımaǵy klıentterinen saqtyq úshin tumsha talap etpegeni úshin bızneske 1000 eýro aıyp tóletý týraly sheshim shyǵarǵan. Bul jaıynda ıtalııalyq "THE Local" jazady, dep habarlaıdy Egemen.kz

Alǵashqy bolyp Salerno qalasyndaǵy shashtaraz ben bardyń ıesi aıyp tóledi. Tumshany Kampanııa aımaǵynyń ár azamaty barlyq qoǵamdyq oryndarda: sýpermarketter men barlarda, meıramhanalar men dúkenderde, qysqasy barlyq jabyq ǵımarattarda jáne qoǵamdyq kólikterde tastamaı taǵyp júrýi tıis. Eger júrginshi tumshasyz bolsa kólikke otyrǵyzbaýǵa, al eger ishke enip, alyp tastaıtyn bolsa túsirip ketý jaıy jarlyqta qarastyrylǵan.

1000 eýro aıyptan basqa bıznes 5 kúnnen 30 táýlikke deıin jabylyp, jumys isteý quqynan da aırylmaq.

"Otandastarymyz mundaı tártipti saqtamasa, birneshe aptadan soń qatań tótenshe jaǵdaı enýine qaıtyp kelýimiz múmkin", deıdi Kampanııa gýbernatory Vınchenso De Lýka.

Sońǵy jańalyqtar

Uqsas jańalyqtar