QMDB-nyń jáne "Zeket" qorynyń respýblıkanyń túkpir-túkpirindegi ókildikteri aksııaǵa biraýyzdan ún qosyp, oblystardaǵy bas ımamdardyń nasıhaty nátıjesinde qysqa ýaqytta aýyz toltyryp aıtarlyqtaı is tyndyrdy. О́ńirlerdegi janashyr azamattar men jamaǵattyń birliginiń arqasynda aýrýhanalarǵa 450 ottegi konsentratory men 3 IVL apparaty jetkizildi.
– Qazirgi jaǵdaı kim-kimge de bolmasyn ońaı tıip jatqan joq. Biraq soǵan qaramastan syn sátinde synyp ketpeı, baýyryna qorǵan, jaqynyna janashyr bolǵan el azamattaryna alǵysymyz sheksiz. Bul aksııa áli de jalǵasady. Jınalǵan qarajatqa ottegi konsentratorlarynan bólek, qajetti medısınalyq qural-jabdyqtar, betperde, antıseptık, qolǵap jáne taǵy basqa zattar alynyp jatqanyn eske salamyz. Eń bastysy, bir adamnyń bolsa da ómirin qutqaryp qalam degen nıetimizdi Alla qabyl etip, syrqattardyń tezirek saýyǵyp ketýin jáne osy indetten tezirek qutylýymyzdy tileımiz", deıdi "Zeket" qorynyń dırektory Talǵat Omarov.
Tarqatyp aıtar bolsaq, 3 IVL apparaty Atyraý oblysynyń aýdandaryna jetkizilse, ottegi konsentratorlary respýblıkanyń ózge óńirlerindegi emdeý mekemelerine tabystaldy. Olardyń jalpy sany tómendegideı:
Túrkistan oblysy – 78
О́skemen aımaǵy – 62
Soltústik Qazaqstan oblysy – 61
Semeı aımaǵy – 57
Jambyl oblysy – 51
Aqmola oblysy – 43
Pavlodar oblysy – 30
Qostanaı oblysy – 34
Qyzylorda oblysy – 7
Batys Qazaqstan oblysy – 3
Taldyqorǵan óńiri – 22
Almaty qalasy – 2
