Aımaqtar • 28 Shilde, 2020

Altaı Kólginov koronavırýs boıynsha elordadaǵy ahýaldy baıandady

36 ret kórsetildi

Nur-Sultan qalasynyń ákimi Altaı Kólginov densaýlyq saqtaý uıymdaryna túsken salmaqtyń edáýir azaıǵanyn málimdedi, - dep jazady Egemen.kz

"Jedel járdemge júginý sany táýligine 4300-den 1600-ge deıin, ıaǵnı 3 esege tómendedi. KVI boıynsha jedel járdemge júginý 500-den 73-ke deıin azaıdy. Jalpy shaqyrýlar sany táýligine 3 myńnan 1000-ǵa deıin tómendedi. Pnevmonııamen jatqan azamattar sany 45%-ke (1348 den – 746 ǵa dein) azaıdy. Stasıonarlardyń júktemesi 99%-ten 45%-ke deıin tómendedi", dedi A. Kólginov.

Qala ákiminiń aıtýynsha, aýrýhanalarǵa qosymsha 500 arnaıy jabdyqdalǵan tósek oryndar, 350 ottegi konsentrattaryn, 150 flýometr jáne 2 kompıýterlik tomograf aldyq. Qosymsha taǵy da medısınalyq jabdyqtar satyp alý josparlanýda.

Kompıýterlik tomograf arqyly turǵyndardy táýlik boıy tekserý júrgizilýde. Nátıjesinde stasıonarlarǵa túsken salmaq edáýir azaıdy.

"Qaladaǵy kolledjderden 275 jas maman emhanalarda jumysqa ornalasty. Medısınalyq ýnıversıtetten 300 stýdent jumyldyryldy. Olardyń 71 jumystaryn bastap ketti.
Jalpy alǵanda oqý oryndarynan 500-den astam jas medısınalyq mamandar tartýdamyz. Olarǵa elordalyq dárigerlermen birdeı eńbek jáne demalys jaǵdaıy qarastyrylǵan" , dedi Altaı Kólginov.

Sondaı-aq dárihanalyq jelilerdiń dıstrıbıýterlerine logıstıka, dári-dármekterdi satyp alý jáne qalaǵa jetkizý rásimderin jeńildetý máseleleri boıynsha qoldaý kórsetilýde. Sonymen qatar, dıstrıbıýterlerge dári-dármekterdi satyp alý úshin aınalym qarajaty bólindi.

"12 shildeden bastap elordaǵa Túrkııa, Reseı, Úndistan jáne basqa da elderden suranysqa ıe farmakologııalyq toptarǵa kiretin 110 tonnadan astam medısınalyq preparattardyń 4,5 mıllıon qaptamasy jetkizildi", dedi qala ákimi.

Dári-dármekter dárihanalardyń iri jelilerine teńdeı bólinip jetkizildi, qazirgi kúni shamamen 1-aıǵa jetkilikti qor qalyptastyryldy.


"Bir apta buryn 3 aýrýhana, atap aıtqanda: № 1 jáne 2 kópsalaly qalalyq balalar aýrýhanasy, № 2 kópsalaly aýrýhana josparly medısınalyq kómek kórsetýdi bastap ketti.
Psıhkalyq densaýlyq ortalyǵynan keshe sońǵy pasıent jazylyp shyqty. Jaqyn kúnderi ortalyq óz pasıentterin josparly túrde qabyldaıdy. 3 tamyzdan bastap barlyq kalalyq emhanalar josparly medısınalyq kómek kórsetýdi bastaıdy. Tamyzdyń 15-ne deıin birtindep bosap jatqan stasıonarlar sanyn qysqartý esebinen barlyq aýrýhanalardyń tolyq jumys jasaýyn qamtamasyz etemiz", dedi elorda ákimi.

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar